ISAI 7:4 - Mara Bible RV (BSI)

⁴ a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ISAI 7:4 ပူးပေါင်းရင်းမြစ်များ

2 ABEIZY 15:27

Zudâh bei Azariah kô sypangawh nata kô no â bei kô ta, Remâliah saw­chapawpa Pekâ cha Izarei chô liata Samâri liata a bei pathao ta, kô kih â bei.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

ISAI 10:24

Chavâta Pheisaihzy Abeipa Zehôvâh ta hetana heta a tah: “Hy ei phopi, Zaio liata a pahrâpa y, Izi mo taozie hawhta, Asuria ta sômasi ta cha chheipa ta, a chôchahrei cha hy thlu hra sala, Asuria cha chi khah y.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 30:7

Izi baona cha phahnai leipa châ ta, Aruapa a châ; Chavâta Izi cha, “Rahâbi a tyuh molopa,” Tahpa ta a moh ei bi.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 37:6

Isai ta ama hnohta, “Nama zibeipa cha hetana heta kei chho teh u: ‘Abeipa ta hetana heta a tah: Na bie theipa, Asuria bei chakaotuhpazy ta eina reipachhienazy vâ ei ta chi khah y.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ISAI 7:8

Aramia luh cha Dâmaskâ châ ta, Dâmaskâ luh cha Rezi a châ. Kô sycharu nata kô pangawh chhôh ta, Epharai cha phopi a châna parao khaipa a châ aw.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

ISAI 8:6

“He phopi heta nai zualua ta a lohpa Silôah tizy dytha ei ta, Rezi nata Remâliah sawchapawpa chô liata amâ lypa vâta,

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

AMÔSÂ 4:11

“Sawdawmâ nata Kawmawrâ khihpizy Khazohpa ta a paraopa hawhta, Nama hry liata thokha cha parao ei na ta, Mei tawhta thothu a daopa hawhta nama vaw châ haw; Chatanachôta kei lâ vaw kua veih ei chi,” Abeipa ta a tah.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

ZEKARIA 3:2

Abeipa ta Sâtâ hnohta, “Nâ Sâtâ, Abeipa ta a cha ra! Zerusale a tlyhtuhpa Abeipa ta a cha ra! Kha chyhsa kha mei tawhta thothu a daophipa châ vei ma?” tah ta.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 24:6

Adyuhnazy nata adyuhna bie pathâhpazy nama thei aw. Châhrasala thlazohpa ta y khah u. Cha zydua cha a vaw y awpa châ ta, chhâna deikua châ mâh aw vei.

RYHPACHANEINA 20:3

Theihthaipa ta zawpi hnohta, ‘Hy Izarei, nathlie teh, tanoh cha nama chariahzy a dyuh awpa ta, adyuhna lâ nama sie aw. Riahchhiepa ta y khuh vy. Chi leipa u la, a chalyu hra leipa u la, âmo vâta thlazohpa ta y khuh vy.

1 SAMUELA 17:32

Dâvi ta Sawla hnohta, “Ano vâna hao ta ahy hmahta palôh duapa ta y khah ei sy, châ chakaotuhpa heta Philistinâ chyhsa hao ei kei dyuh aw,” tah ta.