ISAI 7:3 - Mara Bible RV (BSI)

³ Abeipa ta Isai hnohta “Na sawchapawpa Siazasubâ a chhi la, machhua tipo chhâna liata Chysia Pasutuhpa Lyu lâpi liata Ahâza a kaw tyh u la,

ISAI 7:3 ပူးပေါင်းရင်းမြစ်များ

2 ABEIZY 16:1

Remâliah sawchapawpa Pekâ kô hrawh hleisari â bei kô ta, Zôthâ sawchapawpa Zudâh bei Ahâza a bei pathao ta.

2 ABEIZY 18:17

Asuria bei ta pheisaih hyutuhpa Tartâ nata Râbâsari nata Râbâsake zy cha pheisaih hluhpi chhaota Lakhi tawhta Zerusale liata Bei Hezekia lâ tuah ta. Zerusale lâ khy ei ta, ama tlô nahta, machhua tipo ti lâpi kiapâh liata a ypa Chysia Pasuna su lâ siena lâlai liata a duah ei ta.

2 ABEIZY 20:20

Hezekia hmotaopa hropazy, a thatlôna zydua nata tipo nata ti lana tao ta, khihpi chhôh lâ ti a patlôsapa thâtihzy cha, Zudâh beizy thâtih rona châbu liata ropa a châ.

NEHEMIAH 3:16

Ano pazipa ta Azbu sawchapawpa, Bezu bia khophie ryureituhpa Nehemiah ta taopathi ta. Dâvi thlâ dady liata tipo pa-opa nata pasaiphazy o taihta a taopathi.

PUASAINA 7:15

Ti lâ a zu nota pachhai awpa ta, Phiraoh lâ mydi ta vawh la, chôchahrei parih lâta a liepa kha na ku liata a chabapa ta, ano a hmô awpa ta Nile chavah kiah liata a kei duah mah y.

ISAI 10:21

Laibâhpazy vaw kua aw ei ta, Zakaw laibâhpazy cha Khazohpa thatlôpa lâ ama kua heih aw.

ISAI 22:10

Zerusale ozy reih ei chi ta, thokhy pa-i nawpa ta ozy nama phie.

ISAI 22:11

Tipo parohpa liata ti pa-o nawpa ta, thokhy miano likawh liata tipâh nama tao. Châhrasala chazy a taotuhpa lâ moh tlôh leipa ei chi ta, hlâno tawhta a vaw pachhuapanoh hapa pachâ hra veih ei chi.

ISAI 36:2

Asuria bei ta Râbâsake cha pheisaih hluhpi chhaota Lakhi khihpi tawhta Zerusale liata Bei Hezekia lâ tuah ta. Machhua tipo ti lâpi kiapâh liata Apasuna Lyu lâ siena lâlai liata a duah ta.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 6:13

Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ZEREMIAH 22:1

Abeipa ta hetana heta a tah: “Zudâh bei o lâ zu la, he bie he za chho la,

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.