ISAI 7:14 - Mara Bible RV (BSI)

¹⁴ Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 7:14 ပူးပေါင်းရင်းမြစ်များ

ÂTHAONA 16:11

Abeipa vâlyuhchâpa ta a hnohta, “Pachâ teh, saw phaoh chi ta, Sawchapaw na sa aw; Abeipa ta na pasataona a pahnopa vâta, A moh Ismela na bi aw.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 30:6

Râkheli ta, “Khazohpa ta na pachia ta, ei ao thei hra ta, sawchapaw eina pie haw,” tah ta, a moh Dânâ a bi.

ÂTHAONA 30:8

Râkheli ta, “Thatlôpa châhpia a piapa hawhta ei narônô a pia na ta, ei pahnie haw,” tah ta, a moh Nâthalai a bi.

ÂTHAONA 4:25

Âdâh ta a lapinô a zialâh heih ta, sawchapaw sa ta, a lapinô ta, “Kainâ ta a thie hapa Abela vyuhpa ta Khazohpa ta saw hropa eina pie haw,” tah ta, a moh Sethâ a bi.

1 ABEIZY 13:3

Cha noh lilaw liata Khazohpa chyhsa ta ngiana pie heih ta, Zerôbaw hnohta, “He he ngiana Abeipa ta a reipa cha a châ. Abeipa ta, ‘Pachâ teh, maisâh he patlawchheihpa châ aw ta, a chô liata buchâhzy cha leihtha khaipa a châ aw,’ a tah,” tah ta.

HLAZY 46:8

A vy u la, Abeipa hmotaopazy he moh u la, Roryhrapa ta leilô a paysa hazie he moh tua u.

ISAI 38:7

He he Abeipa ta bie â taih hapa cha a tao tlai aw tahpa na châta Abeipa tawhta ngiana a châ aw:

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 31:22

Hy sawchanô hnôhsypa, Khati taih ma noraihpa ta na y aw? Abeipa ta alei liata hmo thiehpa tao ta, Chanô ta chapaw tlao a pabohsa ha hih.”

ZEREMIAH 44:29

“He he nama châta ngiana a châ aw. Ei biezy cha nâmo pasasa awpa ta â duah tlai aw tahpa nama pahno thei nawpa ta, he su liata ei cha hrie aw ei, Abeipa ta a tah.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

LUKA 1:31

Pachâ teh, na chhi liata nawh a choh aw ta, sawchapaw sa aw chi ta, a moh ta Zisu na bi aw.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 2:12

He he nama châta ngiana a châ aw: Pohpahlyna ta pahlypa ta, sachâki liata â ziapa hawsaih nama hmô aw,” tah ta.

LUKA 20:44

Dâvi ta ano cha Abeipa a tah tlôh khiahta cha, kheihta ma a sawchapawpa a châ thei rai aw?” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

RYUREITUHPAZY 6:36

Kidia ta Khazohpa hnohta, “Na reipa hawhta, ei ku ta Izarei na pachha awpa khiahta cha,

1 SAMUELA 1:20

Hânâ cha saw phaoh ta, a daihti a vaw tlô nahta, sawchapaw sa ta, “Abeipa ei hiapa a châ hih,” tah ta, a moh Samuela bi ta.

1 SAMUELA 4:21

Khazohpa Byh lapa a châpa vâta nata a parâhpa nata a vahpa kyh vâta, “Rônahna ta Izarei a puasai haw” tah ta, hawti moh cha Ikhabaw bi ta.