ISAI 7:13 - Mara Bible RV (BSI)

¹³ Chatawhcha Isai ta, “Hy Dâvi pathlazy saih u, tahmâ thei teh u! Chyhsa rie nama pathei ha tawhta cha a daih ha bâ vei ma, khazia ei Kha­zopa taihta a rie nama pathei tly?

ISAI 7:13 ပူးပေါင်းရင်းမြစ်များ

ÂTHAONA 30:15

Châhrasala Liah ta a hnohta, “Ei vahpa eina chhupa chi a daih vei ma? Ei sawchapawpa khoiah chhao taih na chhu awpa ma nâ chhuah?” tah ta. Râkheli ta, “Cha khiahta la, na sawchapawpa khoiah vyuhpa ta tazâ châ zialâh lah vâ,” tah ta.

2 THÂTIHZYRONA 21:7

Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.

HLAZY 45:5

Na châtai tiahpazy ta abei chariahzy palôh chhôpahlie sala, Phopizy na ry liata pao mawh ei sy.

ISAI 1:14

Nama thla thiehpa kyhchhi ei hro ta a hao ta, Nama daihti eihpa kyhchhizy ei hro ta â hao; Ei châta phaohri deita châ ei ta, Phaoh thei khao va na.

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 22:22

Dâvi pathlazy châhbi a ngiatlâh liata soh aw na ta, pahy aw ta, ahy hmahta khaw leipa aw ei ta; khaw aw ta, ahy hmahta pahy aw veih ei.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 43:24

Tâkâ ta basuh thlôhpa na chaleipa beih leipa chi ta, Atheihnazy na hlâna thawzy ta Lôhrâ na patlô beih hra va chi. Na moleinazy ta phaohri tlao na pavi chi ta, Na paraonazy ta ei rie tlao eina pathei chi.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ISAI 7:12

Châhrasala Ahâza ta, “Hiah aw va na, Abeipa pasia aw va na,” tah ta.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

EZEKIA 16:20

“Nâma nâ zuapa bao hmahta â daih tah leipa chi ta, keima liata na sapa na sawchapawzy nata na sawchanôzy a chhi chi ta, atheihna ta hlâ awpa nata ama nie awpa ta, khazoh nothlahpazy lâ na hlâ ei.

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

EZEKIA 34:18

Sibiepa su phapa liata nama lao nama bâpa â daih tah leipa ei chi ta, khazia sibiepa suzy cha tlypâpa ta nama parao khai tly? Ti pasohpa nama dopa â daih tah leipa ei chi ta, khazia ti cha nama phei ta tlypa ta nama panôsa khai tly?

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

AMÔSÂ 3:13

Nathlie u la, Zakaw pathlazy zikyu a râ teh u,” Abeipa Zehôvâh, Pheisaihzy Khazohpa ta a tah.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

MALUHREINA 16:13

Râhchawhpa liata miah thie awpa ta, sâhpiti nata kheihti lona râh tawhta miah na kaw puakheipa he hmo chyhpa ma a châ? Tahmâ eima chô liata bei ta nâ tao heih.

MALUHREINA 16:9

Izarei Khazohpa ta nâmo cha Izarei zawpi hry tawhta cha panano ei ta, ano a hnia awpa ta a cha rao ei. Abeipa achhyna byureih liata chakao ta, zawpi hmiakô liata a duah ta zawpi chakao awpa ta a châ tlyhpa ei he, hmo chyhpa ta ma nama pachâ?

LUKA 1:69

A chakaotuhpa Dâvi pathla hry tawhta, Pachhana ki miah a chaluahpa haw.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

HEBRAI 3:10

Kha chhâ khata ei hie na pahâh ei ta, ‘Ama palôh liata viavipa ta, Ei lâpizy pahno veih ei,’ tah na ta.