ISAI 66:8 - Mara Bible RV (BSI)

⁸ Cha hawhpa cha ahy ma a thei beih tly? Cha hawhpazy cha ahy ma a hmô beih tly? Noh kha ta râh a pih aw ma? Ei kha ta phopi sapa ta a y aw ma? Zaio deikua cha nawh â zeihpa nahta, A sawzy thlai a sa pâ haw.

ISAI 66:8 ပူးပေါင်းရင်းမြစ်များ

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ZEREMIAH 18:13

“Chavâta Abeipa ta hetana heta a tah: Phopizy hiahri tua rai u, Cha hawhpa hmo cha ama thei beih ma? Laihsa kônô Izarei ta hmo rarôh y ngaitapa a tao ha hih.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.