ISAI 66:5 - Mara Bible RV (BSI)

⁵ Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ISAI 66:5 ပူးပေါင်းရင်းမြစ်များ

1 ABEIZY 21:29

“Ahabâ ta ei hmiakô liata â panawhzie kha na hmô ma? Ei hmiakô liata â panawhpa vâta, ano chhâ liana heta la chhiena patlôsa aw va na. A sawchapawpa chhâ liata deikua cha a pathlazy chô liata chhiena ei patlôsa aw,” tah ta.

2 ABEIZY 22:10

Chârohtuhpa Sâphâ ta abei hnohta, “Theihthaipa Hikia ta châbu eina pie,” tah ta. Sâphâ ta châbu cha abei hmiakô liata reih ta.

2 THÂTIHZYRONA 34:27

he su nata a chhôh liata a pahrâpazy kyh liata Abeipa biezy na thei nahta, na palôh panaipa ta, Khazohpa hmiakô liata a panawh chi ta. Ei hmiakô liata a panawhpa ta, na chysiazy hrie chi ta, ei hmiakô liata na chapa vâta, kei chhao ta ei cha thei haw, Abeipa ta a tah.

EZRÂ 9:4

Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 38:20

Âmo chata phana cha chhiena ta na thô ei ta, Phana ei khohpa vâta eina leih ei.

BIESOZY 13:13

Bie a mohnaopa chyhsa cha anosasyh ta raona a tao ta, Biepiepa a chizapa deikua cha lymâ a hmô aw.

HLAZY HLA 1:6

Ei vyh kawpa vâta na moh ngâ kaw khuh vy, Noh ta eina vawhpa vâta a châ hih. Ei nô sawchapawzy ta ei chô liata ama hiehâh ta, Kre sadô vaituhpa ta na tao ei ta, Chavâta keima kre sadô hmâchhâh ei vaih thei khao vei hih!

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 5:19

“Eima hmô thei nawpa ta, A para sala, A tao awpa cha a chatliepa ta tao mawh sy. Eima pahno thei nawpa ta, Izarei Pathaihpa ryhraona cha a vaw hnia sala vaw tlô mawh sy!” A tahtuhpazy cha ama hu a po na!

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ZEREMIAH 36:16

Bie zydua cha ama thei nahta, chipa ta a moh chyu ei ta, Bâruka hnohta, “He bie zydua he abei eima chho awpa a byuh,” tah ei ta.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

LUKA 13:17

Cha biezy cha a rei nahta, a khakhaipa zydua cha nozapa ta y ei ta. Zawpi deikua cha hmo rônahpa a taopa zydua vâta a ly ngaita ei ta.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 9:34

Âmo ta a chhy ei ta, “Nâ, moleipa ta a pihpa heta miah na pachu bao hra ma?” tah ei ta. Chatanachata ano cha papua ha ei ta.

2 THYSALAWNIKA 1:12

Chatanachata eima Khazohpa nata Abeipa Zisu Krista ngiachhiena lymâ hawhta, eima Beipa Zisu moh cha nâmo liata palyupalihpa ta y aw ta, nâmo chhao ano liata palyupalihpa ta nama y aw.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 ZAWHÂNA 3:13

Unawhzy saih u, khizaw ta a châ haopa vâ ei ta nama noâh khah sy.