ISAI 66:4 - Mara Bible RV (BSI)

⁴ Aw ei na ta, ahy hmahta na chhy leipa ei ta, Bie reih na ta, nathlie hra veih ei; Ei mohmô liata hmo pha leipa tao ei ta, Ei ly leipa hmo amâ tlyhpa vâta, Kei chhao ta ama chô liata chahrâh kawpa ta tao aw na ta, Ama chipazy ama chô liata ei patlôsa aw,” Abeipa ta a tah.

ISAI 66:4 ပူးပေါင်းရင်းမြစ်များ

2 ABEIZY 21:2

Abeipa ta Izarei sawzy hmiakô liata a papua hapa phopizy ta hmo pasichhihpa ama tao tyhpa hawhta, Abeipa mohmô liata hmo pha leipa tao ta.

2 ABEIZY 21:6

A sawchapawpa cha raopa hlâna atheihna ta hlâ ta, kulâmopa nata pachaopa zy hmâh ta, peihthaipa nata athihpa bie a chho thaipazy â saohiah tyh. Abeipa mohmô liata hmo pha leipa tao ta, Abeipa hie pahâh ha ta.

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

BIESOZY 1:24

Cha aw ei na ta, Khoh leipa ei chi ta; Ei ku pazawh na ta, Ahy hmahta uasa leipa ei chi ta;

BIESOZY 10:24

Moleipa cha a chipa hawh tlai ta a chô liata vaw tlô aw ta, Mosiapa khopa deikua cha piepa a châ aw.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 59:15

Ngâchhihna y khao leipa ta, Chavâta hmo pha leipa a bâhsaituhpa cha, Anosasyh ta hraona hmo ta â tao tyh. Abeipa ta cha cha moh ta, Adona rai a y leipa vâta â ly lei kaw tyh.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

ISAI 65:3

Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ZEREMIAH 35:17

Chavâta Abeipa, Khazohpa Atotaotheipa, Izarei Khazohpa ta hetana heta a tah: Pachâ teh, Zudâh nata Zerusale khihsawzy cha, ama hnohta bie reih na ta, nathlie leipa ei ta, aw ei na ta eina chyh-ei leipa vâ ei ta, ama chô liata chhiena patlôsa awpa ei phuahpa zydua kha, ama chô liata ei patlôsa aw,” tah ta.

ZEREMIAH 7:13

Tahmâ, he hmo zydua he tao ei chi ta, bie khâ ei châ chhopa chhao ei ta nathlie khoh leipa ei chi ta, ei cha awpa chhao ei ta einâ chhy khoh leipa vâ ei chi ta,

ZEREMIAH 7:30

“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.

EZEKIA 11:8

Zaozi chi kaw ei chi ta, zaozi cha nama chô liata ei vaw patlôsa aw, Abeipa Zehôvâh ta a tah.

EZEKIA 14:4

Chavâta âmo chho la, ama hnohta hetana heta tah mah y: ‘Abeipa Zehôvâh ta hetana heta a tah: Izarei pathla ahy rai ta, a khazoh nothlahpazy a palôh liata soh ta, a paraona ahluana lô a hmia liata sona chôta hrohsopa lâ a pangaipa maih cha, kei Abeipa heta a khazoh nothlahpa hluhzie lymâ hawhta ei chhy aw.

EZEKIA 20:25

Cha dei châ vei, bieraopa pha leipazy nata hrona ama hnei lei nawpa ryhpazy lâta âmo cha hlâ ei na ta,

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

1 SAMUELA 8:19

Châhrasala Izarei phopi ta Samuela ao cha nathlie khoh leipa ei ta. A hnohta, “Châ vei, eima chô liata bei a y tlai awpa a châ,