ISAI 66:2 - Mara Bible RV (BSI)

² He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ISAI 66:2 ပူးပေါင်းရင်းမြစ်များ

1 ABEIZY 21:29

“Ahabâ ta ei hmiakô liata â panawhzie kha na hmô ma? Ei hmiakô liata â panawhpa vâta, ano chhâ liana heta la chhiena patlôsa aw va na. A sawchapawpa chhâ liata deikua cha a pathlazy chô liata chhiena ei patlôsa aw,” tah ta.

2 ABEIZY 22:10

Chârohtuhpa Sâphâ ta abei hnohta, “Theihthaipa Hikia ta châbu eina pie,” tah ta. Sâphâ ta châbu cha abei hmiakô liata reih ta.

2 ABEIZY 22:11

Abei ta Ryhpa Châbu biezy a thei nahta, a chyhsiazy hrie ta.

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

EZRÂ 9:4

Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 119:161

Ryureituhpazy ta a chhâpa y leipa ta na taola ei ta, Ei palôh deikua cha na biezy chipa ta tlao â chalyu.

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

HLAZY 34:18

Abeipa cha palôh keichheihpazy a hnia ta, Thlahpa a ngiapachhipazy a pachha tyh.

HLAZY 51:17

Khazohpa khopa atheihnazy cha palôh keichheihpa châ ta, Hy Khazohpa, palôh keichheihpa nata ropa cha dytha aw va chi.

HLAZY 51:19

Chatanachata atheihna dopazy liata a ly aw chi ta, Raopa hlânazy nata tlokhuh raopa hlânazy liata a lypa ta, Na maisâh liata viahchao tôhpazy hlâpa a châ aw.

BIESOZY 28:14

Abeipa khâ a chipa chyhsa cha vânoh to aw ta, A palôh kuh khâ a pachhapa deikua cha chhiena lâ a tla aw.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

ISAI 41:20

Chatanachata Abeipa ku ta chazy cha tao ta, Izarei Mo Pathaihpa ta a paysapa a châzie, Hmô aw ei ta ama pahno aw; Pachâ khoh aw ei ta, Ama no â vâh aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MATHAI 12:6

Ei cha chho ei, Achhyna o hlâta hmo rônah viapa he liata a y.

HMOTAOPAZY 7:50

He hmo zydua he keima ku ta taopa châ vei ma?’ tahpa ta a reipa hawhna khata.

HMOTAOPAZY 9:6

Thyu la, khihpi liata a ngia teh, na tao awpa ama cha chho aw,” tah ta.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

KAOLAOSÂ 1:17

Ano cha ato y hlâta a ypa châ ta, ano liata ato â syhpahmaoh khai.