ISAI 66:14 - Mara Bible RV (BSI)

¹⁴ Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ISAI 66:14 ပူးပေါင်းရင်းမြစ်များ

EZRÂ 7:9

Thla khana, noh khana noh ta Babylaw tawhta sie ta, a Khazohpa ku phapa a chô liata y ta, thla pangawhna, noh khana noh ta Zerusale cha tlô ta.

EZRÂ 8:18

Khazohpa ku phapa eima chô liata y ta, hmo a pahno thaipa chyhsa Serebiah nata a sawchapawzy nata a heinawhzy pahrawh hleicharie a vaw chhi ei ta. Serebiah cha Mâhli pathlazy hry liatapa châ ta, Mâhli paw cha Livai châ ta, Livai paw cha Izarei a châ.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

EZRÂ 8:31

Chatawhcha Zerusale lâ sie awpa­ ta, thla khana, noh hrawh hleinona noh ta, Ahavâ chavah tawhta pua pi ta. Eima Khazohpa ku cha eima chô liata y ta, lâpi liata miah a byhpa eima chariahzy ku tawhta miah pachha lymâ ta.

HLAZY 107:42

Chyhsa dopazy ta cha cha hmô ei ta, Amâ ly ngaita; Hmoparaozy deikua cha, Ama pakah amâ chahu.

BIESOZY 17:22

Palôh thaphapa cha thohna phapa châ ta, Palôh pasapa deikua cha ruzy a pahi tyh.

BIESOZY 3:8

Cha cha na sapa châta tlâhna châ aw ta, Na rupazy châta thohna a châ aw.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 30:27

Moh teh u, Abeipa moh cha lâhlapi tawhta â vy huh; A hiehâhna mei hawhta ia ta, Meikhuh chhakaluhpa liata a kiah; A hmaozy ruchhôna ta bie ta, A paleih chhao lyurâh a charôhpa meipaleih a lyu.

ISAI 33:20

Zaio cha moh tua u, Kyh eima chhi nawpa khihpi cha! Na mozy ta Zerusale khihpi cha a hmô aw. Cha khihpi cha nôpona y leina khihpi châ aw ta, Pasie thei leipa poh o a châ aw. A tôhzy phiapa châ beih leipa aw ta, Paraina ri kheihawhpa hmahta chhiepa châ aw vei.

ISAI 34:2

Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

ISAI 35:2

Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.

ISAI 41:20

Chatanachata Abeipa ku ta chazy cha tao ta, Izarei Mo Pathaihpa ta a paysapa a châzie, Hmô aw ei ta ama pahno aw; Pachâ khoh aw ei ta, Ama no â vâh aw.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ISAI 59:18

Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEKARIA 10:7

Epharai pathlazy cha, Pasaipha hawhta vaw châ aw ei ta; Kresawhti do no hawhta Ama palôh â ly kaw aw. Ama sawzy ta hmôpa ta ama thapha aw ta, Abeipa liata ama palôh â ly aw.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

HEBRAI 10:27

Ryureina rarôh ypa nata ano dyuhtuhpazy a kâ patlô awpa hiehâhna mei tlao a y aw.