ISAI 66:1 - Mara Bible RV (BSI)

¹ Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ISAI 66:1 ပူးပေါင်းရင်းမြစ်များ

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

2 THÂTIHZYRONA 2:5

Keimo Khazohpa cha khazoh zydua hlâta rônah chaipa a châpa vâta, o ei sa awpa chhao o rônah ngaitapa a châ aw.

2 THÂTIHZYRONA 6:18

“Châhrasala Khazohpa cha alei chô liata chyhsapa hry liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha, nâ tlôh lei pachai aw dia!

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 132:7

“A pahrâna su lâ vawh sih la, A pheitlyna thaby liata a bôh ei suh u!” eima tah.

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 60:13

Ei supathaihpa tobi nawpa ta, Lebanaw rônahna nâ lâ a vaw tlô aw; Meisah vyhpa nâ lâ vaw tlô aw ta, Tho hna phiapa nata meisah thozy nâ lâ ama vaw tlô aw; Chatanachata ei phei tlyna su cha, Rônahpa ta ei tao aw.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 12:6

Ei cha chho ei, Achhyna o hlâta hmo rônah viapa he liata a y.

MATHAI 24:2

Âmo cha a chhy ta, “He zydua he nama hmô ma? Hmeiseihta ta ei cha chho ei, he liata alô pachopazy he lô kha hmah pahlôh leipa ta pacho pathlah khaipa a châ aw,” tah ta.

HMOTAOPAZY 17:24

Khizaw nata a chhôh liata hmo a ypa zydua a taotuhpa Khazohpa cha, alei nata avâ Beipa a châpa vâta, ku ta sapa achhyna ozy liata pahrâ vei.