ISAI 65:5 - Mara Bible RV (BSI)

⁵ “Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

ISAI 65:5 ပူးပေါင်းရင်းမြစ်များ

BIESOZY 10:26

Hâh châta kresawhti thaopa nata mo châta meikhuh hawhta, Thathipa chhao ano a tuahtuhpa châta a châ.

BIESOZY 16:5

Palôh laipa chyhsa cha Abeipa châta pasichhihpa châ ta, Hriena khôkhâh cheita aw vei.

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

MATHAI 9:11

Phârisaihzy ta cha cha ama hmô nahta, a pachupazy hnohta, “Khazia nama pachutuhpa heta chhiekheituhpazy nata moleipazy pati a dôh lâh thlâh ha ei?” tah ei ta.

LUKA 15:2

Phârisaihzy nata ryhpa pachutuhpazy ta, “He chyhsa heta moleipazy a pahlao ta, ama hnohta pati a nie tyh,” tahpa ta paphôh ei ta.

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

ZUDÂH 1:19

Cha chyhsazy cha achhaihna a patlôsatuhpa, khizawpa chyhsa, Thlahpa a hnei leipazy ama châ.