ISAI 65:4 - Mara Bible RV (BSI)

⁴ Thlâzy liata a tyuh ei ta, Su dâhthlohpazy liata amâ rie tyh; Vao sa zy nie ei ta, Ama beihzy liata sa pathaih leipazy yna chôta,

ISAI 65:4 ပူးပေါင်းရင်းမြစ်များ

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

PUASAINA 34:26

Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. Mietaw sa cha a panô sâhpiti ta na chho awpa châ vei,” tah ta.

ISAI 66:17

“Sadôzy liata a ngia awpa ta âmosasyh ta a hlâpa ta a pathaisa ei ta, vao sa nata pazu sa nata hmo pathaih leipa a niepazy hry liatapa a pazituhpazy cha, ama pazipa chyhsa nata â raohpa ta ama chhâ khoh aw,” Abeipa ta a tah.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

THEIHTHAINA 11:7

Vao he a chakie cha pachiah ta, a chakie miano ta a pachhaih ta, châhrasala a thie a chaeih leipa vâta, nama châta pathaih leipa a châ.

ZEKARIA 9:7

A pakah tawhta a thisaih thy aw na ta, A hâh tho tawhta hmo pasichhihpazy ei thaoh aw. Ano chhao eima Khazohpa châta laibâhpa châ aw ta, Zudâh chi liata pho kha hawhta a châ aw; Ekaraw chhao Zebu mo hawhta a vaw châ aw.

MALUHREINA 19:11

“Athihpa ri a hriapa maih noh sari chhôh pathaih leipa a châ aw.

MATHAI 8:28

Haosâ Kâdarene râh a tlô nahta, ahripa patupa pano thlâ tawhta vaw pua ei ta, Zisu cha a vaw tyh ei ta. A hrâh ngâsâ ei ta, chavâta cha lâpi liana cha ahy hmahta ama sie ngâh tyh leipa a châ.

LUKA 8:27

Zisu cha ngiahkâ lâ a pua nahta, khihpi liata chyhsa pakha, ahripa a hneipa ta a vaw tyh ta. Cha chyhsa cha chysia â tao leina tawhta bohpi châ ha ta, o liata y leipa ta thlâzy liata a y tyhpa a châ.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

RYHPACHANEINA 14:3

“Hmo pasichhihpa rai nama nie awpa châ vei.

RYHPACHANEINA 14:8

Vao he a chakie cha a pachhaih ta, châhrasala a thie a chaeih leipa vâta nama châta sa pathaih leipa a châ. A sa nama nie awpa châ leipa ta, thiruapa chhao nama hria awpa châ vei.

RYHPACHANEINA 18:11

Dyuthaipazy, thlahpa nata ahripa bie a chho thaipazy nata athih lâ hryh thaipazy chhao nama hry liata ama y awpa châ vei.