ISAI 65:3 - Mara Bible RV (BSI)

³ Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

ISAI 65:3 ပူးပေါင်းရင်းမြစ်များ

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

ZAWBÂ 1:11

Châhrasala tahmâ na ku pazawh la, a hneipa zydua hria la, hmiachhy ta chhie a cha sapa aw,” tah ta.

ZAWBÂ 2:5

Tahmâ na ku pazawh la, a rupa nata a sapa hria la, hmiachhy ta chhie a cha sapa aw,” tah ta.

HLAZY 78:40

Râhchawhpa liata ei hluhpi chakhia ei ta, Râraohpa liata ei hluhpi a pachâ ama parôh.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

ISAI 1:29

Nama mopakiapa ôkâ thozy zakhei aw ei chi ta, Sadô namâ tlyhpazy vâta nohzaopa ta nama y aw.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 66:17

“Sadôzy liata a ngia awpa ta âmosasyh ta a hlâpa ta a pathaisa ei ta, vao sa nata pazu sa nata hmo pathaih leipa a niepazy hry liatapa a pazituhpazy cha, ama pazipa chyhsa nata â raohpa ta ama chhâ khoh aw,” Abeipa ta a tah.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

THEIHTHAINA 17:5

Izarei sawzy ta lyurâhpa liata atheihna ama hlâ tyhpazy kha, Abeipa lâta hlâ awpa ta, ahmaohna poh o chhikao liata theihthaipa lâta cheipa ta, aryhna hlâna atheihna châta Abeipa lâta ama hlâ thei nawpa ta, he ryhpa he taopa a châ.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.