ISAI 65:23 - Mara Bible RV (BSI)

²³ Hraoleipa ta hriapasa khao leipa aw ei ta, Chhiena a tyh awpa sawzy sa khao aw veih ei. Abeipa byhnâ piepa sawzy châ aw ei ta, Ama pathlazy chhao, Abeipa byhnâ piepa ama châ aw.

ISAI 65:23 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

ZAWBÂ 21:8

Ama mohmô liata ama satheizy pitloh ei ta, Ama hmiakô liata ama pathlazy ama pitloh.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 49:4

Châhrasala kei ta hetana heta ei chhy: “Hraoleipa ta hriapasapa ta, Khâpa hmah a châ leipa liata ei tha pahryuh na ta, Aruapa liata ei tha ei pahryuh; Chatahrasala ei dona cha Abeipa liata y ta, Ei lymâ chhao ei Khazohpa liata a y.”

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ISAI 61:9

Ama sawzy cha, Râhzy hry liata pahnopa châ aw ei ta; Ama pathlazy cha, Phopizy hry liata pahnopa ama châ aw. A hmôpa maihta âmo cha, Abeipa byhnâ piepa chipathla ama châ tahpa ama pahno aw.

ISAI 66:22

“Avâ thiehpa nata alei thiehpa ei taopazy cha, Ei hmiakô liata khâ ama y thlâh ha awpa hawhta, Nama pathlazy nata nama moh chhao khâ a y thlâh ha aw,” Abeipa ta a tah.

EZEKIA 36:29

Nama pathaih leina zydua tawhta ei cha pachha aw ei. Sâh cha pahneisapa ta kôvei papha aw na ta, nama chô liata chakâhna patlôsa aw va na.

THEIHTHAINA 26:20

Nama tha pahryuh thlâhthli aw ei chi ta, nama râh ta kôvei papua leipa aw ta, râh liata thozy ta thei pathei aw veih ei.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

THEIHTHAINA 26:29

Nama sawchapawzy sa nie aw ei chi ta, nama sawchanôzy sa nama nie aw.

HÂKAI 1:6

A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.

HÂKAI 2:19

Sawvâ liata chi a y chy ma? Hmeiseihta cha, Kre zôh, theiku kô, pawmikarânâ nata ôli kô zy pathei tlâ khao veih ei. Tanoh tawhta deikua cha, byhnâ ei cha pie aw ei,” tah ta.

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

RAWMA 4:16

Chavâta bietai cha ngiachhiena liata a pahnieh ta, a pathla zydua châta pa-ipa a châ thei nawpa ta, ngiapâna ta a vaw tlôpa a châ. Ryhpa a hneipazy dei châ leipa ta, Abarahâ ngiapâna a hlykheituhpazy chhao ta ama hmô hra aw. Ano cha eima zydua paw a châ.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.