ISAI 65:19 - Mara Bible RV (BSI)

¹⁹ Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

ISAI 65:19 ပူးပေါင်းရင်းမြစ်များ

HLAZY 144:14

Eima viahchaozy vô lymâ ei sala, Hrih leipa ta pataw lymâ mawh ei sy. Eima lâlaizy liata, Chana nata pachârôhna zy y khah sy!

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 51:11

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 60:20

Na noh tla khao leipa aw ta, Na thlâpâ lei khao aw vei. Abeipa cha na châta tlyzaw khaihna châ aw ta, Na mâchhiesana nohzy a chhâ bâ aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

EZEKIA 36:15

Râhzy ta ama cha reipachhiena thei khao leipa aw chi ta, phopizy mohnaopa châ khao hra leipa aw chi ta, na râh papaosa khao aw va na,” Abeipa Zehôvâh ta a tah.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

ZEKARIA 2:10

“Hy Zaio Sawchanô y, awh la, a ly teh! Moh teh, ei vy hai, na hnohta ei pahrâ aw,” Abeipa ta a tah.

LUKA 15:3

Chavâta he pakhona bie he ama hnohta reih ta:

LUKA 15:5

A hmô heih nahta, a ly ngaitapa ta a ngiatlâh liata a khaih aw.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.