ISAI 65:14 - Mara Bible RV (BSI)

¹⁴ Nâ chakaotuhpazy cha palôh tlâhna hla sa aw ei ta, Nâmo deikua cha palôh pasapa ta cha aw ei chi ta, Thlahpa rietheipa ta namâ hrô aw.

ISAI 65:14 ပူးပေါင်းရင်းမြစ်များ

ZAWBÂ 29:13

Thi daihmâpa byhnâ awna ei chô liata vaw tlô ta, Nôhmei palôh cha lyna hla sapa ta ei paysa.

HLAZY 109:28

Âmo cha chhiesatuhpa châ ei sala, Nâ deikua cha byhnâ pietuhpa châ mah y! Ama thyu tita maophyuhpa ta y ei sala, Châ chakaotuhpa deikua cha thaphapa ta y mawh sy!

HLAZY 66:4

Khizaw zydua nâ lâ a bôhpa ta, Nâ reithaina hla sa ei ta, Na moh reithaipa ta ama sa,” tah muh vy. Selah

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 24:14

A paropa ta ao papuapa ta, Abeipa rônahna cha hla ta sa aw ei ta, Tilaipi tawhta thata ama awh aw.

ISAI 50:11

Nâmo, mei patih ei chi ta, Meirei iapa ta â chadôsapazy saih u, Nama mei khaihna liata charei u la, Meirei nama chhipa khaihna liata charei muh vy! He he ei ku tawhta nama hmô awpa cha a châ: Riethei pasataopa ta namâ zia aw.

ISAI 51:11

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ISAI 9:3

Cha phopi cha palaiseihsapa ta, Amâ lyna papôh chi ta; Sâh hria nota a lypa hawhta, Na hmiakô liata a ly ei ta; Hraona sôh amâ rai nota amâ lypa hawhta, Na hmiakô liata amâ ly.

ZEREMIAH 31:7

Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

MATHAI 13:42

moleipazy cha patina meihô liata ama thy aw. Cha liata chana nata hâh chariehna a y aw.

MATHAI 22:13

Abei ta a chakaotuhpazy hnohta, ‘A ku nata phei chahry u la, khôtho lâ zohna liata thy teh u. Cha liata chana nata hâh chariehna a y aw,’ tah ta.

MATHAI 8:12

Khinarâh sawzy hawhta â pachâpazy deikua cha, khôtho lâ zohna liata thypa châ aw ei ta, cha liata chana nata hâh chariehna a y aw,” tah ta.

LUKA 13:28

Khazohpa khinarâh liata Abarahâ, Aisika, Zakaw nata hrohsopa zydua nama hmô tita, nâmo cha khôtho lâ thypa châ aw ei chi ta, cha liata chana nata hâh chariehna a y aw.

ZÂMIE 5:1

Nâmo, hneirôhpa saih u, a vy u la, nama chô liata rietheina vaw tlô haipazy vâta cha u la, thata sâh teh u.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.