ISAI 64:8 - Mara Bible RV (BSI)

⁸ Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ISAI 64:8 ပူးပေါင်းရင်းမြစ်များ

ZAWBÂ 10:3

Tlybaipa pha tah chi ta, Nâma ku tlai ta na taopa mohnaopa ta, Moleipa ryhraona ma tlao pha na tah via haw?

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 119:73

Na ku ta na tao chi ta, Eina padua chi; Na biepiepazy ei chu thei nawpa ta, Novâhna na pie mah y.

HLAZY 138:8

Abeipa ta ei châta â chhuahpa cha a patlô aw; Hy Abeipa, na kyhpachâna cha tlyzaw châta châ ta, Nâma ku tlai ta na taopazy he a heihsai khah y.

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

PUASAINA 32:12

Izi mo ta, ‘Izarei sawzy cha tlâhzy liata thie ta, alei chô tawhta âmo pamuapa ta, ama chô liata chhiena patlôsa awpa ta, Khazohpa ta â chhi papua ei,’ ama cha tah aw mâh tâh? Na hiehâhna ru ngaitapa cha padia la, na palôh panano la, na phopi chô liata chhiena patlôsa nâ chhuahpa cha, rie patlôsa khah y.

PUASAINA 4:22

Chatawhcha Phiraoh hnohta, ‘Abeipa ta hetana heta a tah: Izarei cha ei sawchapawpa, ei sawchapaw uhtheipa a châ.

ISAI 19:25

Cha râh thôhzy cha Pheisaihzy Abeipa ta byhnâ awpa aw ta, “Ei phopi Izi, ei kuzô Asuria nata ei ryuto Izarei zy cha thlaochhipa ta y mawh ei sy,” a tah aw.

ISAI 29:16

Hmo dia nama palie patheih khai haw! Beihvituhpa cha beihlei hawhta pachâpa ta, Hmotaopa ta a taotuhpa hnohta, “Ano ta na tao vei,” a tah thei ma? Hmo paysapa chhao ta a paysatuhpa cha, “Novâhna rai hnei vei,” a tah thei ma?

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ISAI 44:21

Hy Zakaw y, he hmozy he a thei thlâh ha la, Hy Izarei, nâ chakaotuhpa na châpa vâta, He hmozy he a thei thlâh ha mah y. Kei ta ei cha paduapa châ chi ta, Nâ chakaotuhpa na châ; Hy Izarei, cha my beih aw va na.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:11

Abeipa, Izarei Mo Pathaihpa ta hetana heta tah ta, Izarei a paduatuhpa ta hetana heta a tah: “Hmo vaw tlô awpa kyh na hiahri teh u; Ei sawzy kyh liata na eilawpa ta, Ei ku raihria kyh liata bie eina pie aw ei chi ma?

ISAI 45:9

“Ano a Taotuhpa a chakhiapa cha a hu a po na! Alei beihzy hry liata alei beih pachaipa a châ. Beihlei ta beihvituhpa hnohta, ‘Khâpa ma na tao? Na hmotaopa cha, A patuna ku hnei vei dua?’ a tah thei ma?

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ISAI 63:8

Abeipa ta Izarei kyh liata, “Izarei cha ei phopi châ tlai ei ta, Adoleipa ta hmo a tao lei awpa sawzy ama châ,” tah ta, Âmo Pachhatuhpa ta a y hapa a châ.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

ZAWHÂNA 8:41

Nama paw taopa hawhpa nama tao hra hih,” tah ta. Âmo ta a chhy ei ta, “Riasaw châ ma pi. Paw pakha hnei pi ta, cha cha Khazohpa a châ,” tah ei ta.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.