ISAI 64:7 - Mara Bible RV (BSI)

⁷ Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 64:7 ပူးပေါင်းရင်းမြစ်များ

ZAWBÂ 10:9

Ngiachhiepa ta pachâ tua rai, Beihlei hawhta na tao chi ta, Dohlei lâ ma eina pakuasa heih aw chi?

ZAWBÂ 8:4

Na sawzy ta a chô liata ama vaw molei ha khiahta cha, Ama paraona vâta a pasapanô hapa ei a châ aw.

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

PUASAINA 32:12

Izi mo ta, ‘Izarei sawzy cha tlâhzy liata thie ta, alei chô tawhta âmo pamuapa ta, ama chô liata chhiena patlôsa awpa ta, Khazohpa ta â chhi papua ei,’ ama cha tah aw mâh tâh? Na hiehâhna ru ngaitapa cha padia la, na palôh panano la, na phopi chô liata chhiena patlôsa nâ chhuahpa cha, rie patlôsa khah y.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

ISAI 45:9

“Ano a Taotuhpa a chakhiapa cha a hu a po na! Alei beihzy hry liata alei beih pachaipa a châ. Beihlei ta beihvituhpa hnohta, ‘Khâpa ma na tao? Na hmotaopa cha, A patuna ku hnei vei dua?’ a tah thei ma?

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 56:4

Abeipa ta hetana heta a tah: “Ei Pahânohzy chay ta, Nâ palysapa hmozy a tlyhpa ta, Ei biehrai khâchâ â patupa hrilyupazy cha,

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ZEREMIAH 9:7

Chavâta Pheisaihzy Abeipa ta hetana heta a tah: “Ei phopi cha pathaisa aw ei na ta, Ei pasia aw ei. Cha hawhta tao thlâh ha leipa ta cha, Ei phopi châta khâpa hropa ma ei tao aw tly?

EZEKIA 22:30

“Râh cha ei parao lei nawpa ta, a dôhna thokhy a tao awpa nata ei hmiakô liata râh châta apyupa liata a duah awpa chyhsa ama hry liata tlua na ta, châhrasala pakha hmah hmô veih ei na.

EZEKIA 24:11

A pathaih leina zao sala, a upa a kâ khai ha nawpa ta, beih cha a ruapa ta meihei iapa chô liata khaih la, sah sala saih khai ha mawh sy.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

HÔSIA 7:7

Ama zydua ta lômathu hawhta sah ei ta, Ama ryureituhpazy ama palâ khai haw. Ama bei zydua pao khai ei ta, Ahy hmahta na pado veih ei.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?