ISAI 64:4 - Mara Bible RV (BSI)

⁴ Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ISAI 64:4 ပူးပေါင်းရင်းမြစ်များ

ÂTHAONA 49:18

“Hy Abeipa, na pachhana ei hâ thlâh haw!

EZRÂ 9:7

Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

HLAZY 103:18

A kyhpachâna tleih beih leipa nata a siana cha, A biehrai zyh ta, A biepiepazy tao awpa ta a thei thlâhpazy chô liata a y lymâ.

HLAZY 130:5

Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 59:12

Eima paraonazy na hmiakô liata pôh via rili ta, Eima moleinazy ta miah ama leih tyh. Eima paraonazy eima hnohta khâ y ei ta, Eima moleinazy eima pahno.

ISAI 66:8

Cha hawhpa cha ahy ma a thei beih tly? Cha hawhpazy cha ahy ma a hmô beih tly? Noh kha ta râh a pih aw ma? Ei kha ta phopi sapa ta a y aw ma? Zaio deikua cha nawh â zeihpa nahta, A sawzy thlai a sa pâ haw.

DÂNIAH 9:15

Hy Abeipa eima Khazohpa, ku thatlôpa ta na chyhsazy Izi râh tawhta a chhi papuatuhpa nata nâma sasyh ta tanoh taihta na moh â parônahsa lymâpa y, molei ha pi ta, hmo thata eima vaw parao haw.

DÂNIAH 9:5

molei ha pi ta, hmoparao ha pi ta, molei ngaitapa ta hroh pi ta, châ dyuh pi ta, na biepiepazy nata bieraopazy eima vaw tleisai haw.

DÂNIAH 9:8

Hy Abeipa, na chô liata eima molei hapa vâta, keimo nata eima beizy, eima hyutuhpazy nata miah pathlatuhzy tovyuh cha nozana dei a châ bâ he zaw!

HÔSIA 7:7

Ama zydua ta lômathu hawhta sah ei ta, Ama ryureituhpazy ama palâ khai haw. Ama bei zydua pao khai ei ta, Ahy hmahta na pado veih ei.

ZEKARIA 10:9

Phopizy hry liata papai ha hra ei sah la, Lâhla râhzy tawhta nâ thei aw ei ta, Ama sawzy chhaota hroh aw ei ta, Ama vaw kua heih aw.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

1 KAWRINI 1:7

Chavâta eima Beipa Zisu Krista aluahna nama hâna liata, thlahpa hmopiepa khâpa hmah a phahla veih ei chi.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.