ISAI 64:2 - Mara Bible RV (BSI)

² Mei ta thopahrei kâ ta, Mei ta ti a patlaosapa hawhta, Na khakhaipazy ta na moh pahno ei sala, Phopizy na hmiakô liata amâ chalyu mawh sala eima tah kaw dia!

ISAI 64:2 ပူးပေါင်းရင်းမြစ်များ

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

HLAZY 79:10

Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 83:13

Hy ei Khazohpa, âmo cha doh khupa hawhta tao la, Thlih hmia liata sâh sihpa hawhta tao mah y.

HLAZY 9:20

Hy Abeipa, âmo cha pachisa la, Chyhsapa dei ama châpa phopizy ta pahno mawh ei sy! Selah

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

ISAI 28:21

Abeipa cha a rai hria awpa ta, Rai nano kawpa hria awpa ta; A hmo tao awpa ta, Hmo a y tu leipa tao awpa ta; Perazi Tlâh liata vaw thyu aw ta, Kibiô Saikao liatapa hawhna khata â vaw hra aw.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

AMÔSÂ 4:12

“Chavâta Hy Izarei, Na chô liata he hmo he ei tao aw; Na chô liata he hmo he ei tao awpa vâta, Hy Izarei, na Khazohpa a tyh awpa ta a mâ teh!”

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

ZEKARIA 14:4

Cha noh liata, Zerusale kiah nochhi lâta a ypa Ôli Tlâh liata a phei tlypa ta a duah aw ta, Ôli Tlâh cha nochhi nata notla ta a liah liata a patlaw aw ta, saikao kawh ngaitapa a tao aw. Tlâh khophie maw lâta a pasie aw ta, â khophie chho lâ â pasie aw.

RYHPACHANEINA 2:25

Tanoh he avâ ry liata phopi zydua chô liata nâma china nata thlazohna paysa aw na ta, na thâtih a theipa maih a chalyu aw ei ta, nâma vâta pachârôh ngaitapa ta ama y aw,’ tah ta.