ISAI 64:11 - Mara Bible RV (BSI)

¹¹ Miah pathlatuhpazy ta ama cha reithai tyhna Eima o pathaihpa nata rônahpa cha mei ta kâ ha ta, Eima su a ngia ngaitapazy chhao, Su rypa ama châ khai ha hih.

ISAI 64:11 ပူးပေါင်းရင်းမြစ်များ

1 ABEIZY 8:14

Izarei zawpi zydua amâ dua thlâh ha nota, abei cha zawpi lâ a heih ta, Izarei sawzy châta byhnâ aw ta.

1 ABEIZY 8:56

“A bietai zydua hawhta, a phopi Izarei sawzy apahâna a pietuhpa Abeipa cha reithaipa ta y mawh sy. A chakaotuhpa Mawsi hmâpa ta a bietai phapa zydua kha, a vaw tlô leipa bie miakha hmahta y vei.

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

2 THÂTIHZYRONA 36:19

Khazohpa o cha mei ta rao ei ta, Zerusale thokhy pacho ei ta, a chhôh liata abei o zydua mei ta rao ei ta, hmobaoh sôhpa zydua ama parao khai haw.

2 THÂTIHZYRONA 6:4

Sawlawmaw ta, “Ei paw Dâvi hnohta a pakah ta bie a taih ta, a ku ta a bietai a patlôtuhpa Abeipa, Izarei Khazohpa cha reithaipa ta y mawh sy!

2 THÂTIHZYRONA 7:3

Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

ISAI 63:18

Na supathaihpa cha, Bohpi leipa chhôh deita na phopi ta hnei pi ta, Tahmâ cha eima chariahpazy ta ama tlypâ ha hih.

ZEREMIAH 52:13

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

CHAPHÔHTUNA 1:7

Zerusale cha a viavi pasataona noh liata, Hlâno ta hmo sôhpa a hneipa zydua kha â kaw thei. A khihsawzy khakhaipa ku liata ama pao nota, A bao awpa y khao veih ei; A khakhaipazy ta moh ei ta, A paopa cha ama pahneisao.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:7

Abeipa ta a maisâh thy ta, A supathaihpa a dytha haw; A bei o thokhyzy chhao, A chariahpa ku liata a hlâ haw; Kyhchhi noh ta taopa hawhta, Abeipa o liata thata ama awh.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 24:25

“Nâ deikua cha, chyhsa sawchapawpa y, ama thatlôna, amâ lyna nata ama rônahna, ama mo lôhrâtlôna, ama hro ta a tlaichhaipa nata ama sawchapawzy nata ama sawchanôzy âmo tawhta ei lana noh liata,

ZEKARIA 1:12

Abeipa vâlyuhchâpa ta, ‘Hy Pheisaihzy Abeipa, kô sysari chhôh zydua na palôh châ pachhie hapa Zerusale nata Zudâh khihpizy he, khachâ taih ma thapasa khao leipa ta na y aw tly?’ tah ta.

MATHAI 24:2

Âmo cha a chhy ta, “He zydua he nama hmô ma? Hmeiseihta ta ei cha chho ei, he liata alô pachopazy he lô kha hmah pahlôh leipa ta pacho pathlah khaipa a châ aw,” tah ta.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.