ISAI 63:7 - Mara Bible RV (BSI)

⁷ Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ISAI 63:7 ပူးပေါင်းရင်းမြစ်များ

1 ABEIZY 8:66

A noh chariena noh ta zawpizy cha papaisa ta, abei cha byhnâ awpa ei ta, Abeipa ta a chakaotuhpa Dâvi nata a phopi Izarei chô liata phana a palâsapa zydua vâta, a ly ngaitapa nata palôh tlâh ngaitapa ta ama o chyu lâ amâ di haw.

2 THÂTIHZYRONA 7:10

Thla sarina, noh kih nata noh thôhna noh ta, zawpizy cha ama o lâ chyu padisa ta. Abeipa ta Dâvi nata Sawlawmaw nata a phopi Izarei sawzy chô liata a phana a palâsapa zydua vâta, alypa nata thaphapa ta ama o lâ chyu a di ha ei ta.

NEHEMIAH 9:25

Thokhy a hneipa khihpizy nata râh pha ngaitapazy la ei ta, hmo pha to ta a biepa ozy, tikhaoh chao chiehpazy, kre sadôzy, ôli sadôzy nata theilâpa kô hluhpi ama hnei. Nie ei ta, rihbiepa ta y ei ta, thawh ei ta, na phana hluhpizy vâta a ly ngaitapa ta ama y.

NEHEMIAH 9:27

Chavâta âmo rie a patheituhpa ama chariahzy ku liata na pie ha ei. Ama nôpona daihti liata cha pado ei ta, vârâh tawhta vaw nathlie chi ta, na zawngiahna rônah ngaitapa vâta pachhatuhpazy pie chi ta, âmo chata ama chariahzy ku tawhta ama pachha haw.

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

NEHEMIAH 9:35

Âmo khinarâh liata y ei ta, na phana rônahpa na patosapa hry liata ypa ta, râh laipa nata phapa na piepa liata ama ypa chhao ta, nâ cha chakao leipa ei ta, ama moleina raizy bâhsai veih ei.

HLAZY 103:2

Hy ei thlahpa, Abeipa cha reithai la, A hmotao phapa zydua my khah y.

HLAZY 107:15

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 107:21

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy.

HLAZY 107:31

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 107:8

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 145:7

Na phana hluhzie reih aw ei ta, Na siana kyh hla ta ama sa aw.

HLAZY 25:6

Hy Abeipa, na zawngiahna a thei la, Na ngâchhihna a thei mah y; Hlâno tawhta a y hapa châ tlôh ei ta.

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

HLAZY 63:3

Na ngâchhihna cha hrona hlâta pha via ta, Ei hmaozy ta a cha reithai aw.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

HLAZY 92:2

My ta na kyhpachâna tleih beih leipa phuah na ta, Zâ ta na ngâchhihna ei phuah tyh.

PUASAINA 18:9

Abeipa ta Izarei sawzy chô liata hmo phapa a taopa zydua vâta nata Izi mo ku tawhta Izarei sawzy a pachha hapa vâ ei ta, Zetharô cha a ly ngaita ta.

ISAI 26:13

Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

ISAI 54:10

Tlâhpizy ta ama yna su puasaipa ta, Tlâhthlôhzy pasiepa ta ama y thei; Ei ngâchhihna deikua cha, Cha puasai beih leipa aw ta; Ei thlalôhna biehrai chhao, Nâ tawhta pasiepa châ beih aw vei,” Abeipa, châ ngiachhietuhpa ta a tah.

ISAI 54:7

Buakhata cha siesai na ta, Châhrasala ngiachhiena rônahpa ta ei châ chhi heih aw.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

CHAPHÔHTUNA 3:32

Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei.

HÔSIA 2:19

“Chhâzaw châta châ pahawh aw na ta, Siana nata adona ta ei châ pahawh aw; Kyhpachâna ta châ pahawh aw na ta, Ngiachhiena ta ei châ pahawh aw.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

EPHESI 2:4

Châhrasala ngiachhiena a hnei hluhpa Khazohpa ta kyhpachâna rônahpa ta kyh miah pachâ ta,

1 TIMAWTHY 1:14

Chatanachata eima Beipa ngiachhiena cha Krista Zisu liata a ypa ngiapâna nata kyhpachâna chhaota ei chô liata lei thlupa ta a y.