ISAI 63:5 - Mara Bible RV (BSI)

⁵ Mohmia pasaih na ta, Châhrasala nâ bao awpa y veih ei; Chi ngaita na ta, Châhrasala nâ duakhei awpa y veih ei. Chavâta pachhana cha, Keima bâh tlai ta na vaw tlôkheipa ta; Keima pathiiana tlai ta einâ duakhei.

ISAI 63:5 ပူးပေါင်းရင်းမြစ်များ

HLAZY 107:12

Ama palôhzy cha Abeipa ta hriapasana ta panawhsa ta, Pao ei ta, âmo a bao awpa y veih ei.

HLAZY 22:11

Nâ hla cheita khah y, Nôpona a vaw hnia ta, Baotuhpa rai y veih ei.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 69:20

Reipachhienazy ta ei palôh pasasa ei ta, Pachârôhpa ta ei y. Nâ ngiachhie awpa tlua na ta, Châhrasala ahy hmah y veih ei; Thlah nâ palôh awpa tlua na ta, Châhrasala pakha hmah hmô veih ei na.

HLAZY 94:16

Ahy ma moleipa cha nâ thyuhnaopa aw? Ahy ma hmoparaopazy a dyuhpa ta ei châta a duah aw?

HLAZY 98:1

Abeipa lâ hla thiehpa sa teh u! Ano cha hmonoâhpazy taotuhpa châ ta, A ku chachâh lâ nata a bâh pathaihpa ta pahniena a to haw.

ISAI 40:10

Moh teh u, Abeipa Zehôvâh cha, Hmotaotheina chhaota a vy ta, A bâh thatlôna hmâpa ta ryu a reih aw. Moh teh u, a lymâ a hnohta y ta, A viarithôna chhao a hmiakô liata a y.

ISAI 41:28

Châhrasala moh nahta, Chyhsa rai y leipa ei ta; Hiahri ei na ta, Achhyna a pie theipa Ryhraokheituhpa ama hry liata y veih ei.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 51:5

Ei siana a vaw hnia ta, Ei pachhana a vaw pua; Ei bâhzy heta phopizy chô liata ryureina dopa a patlôsa aw. Tilaipi kiah râhzy ta na mokhâh aw ei ta, Hnabeiseihpa ta eina hâ aw ei.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

EZEKIA 22:30

“Râh cha ei parao lei nawpa ta, a dôhna thokhy a tao awpa nata ei hmiakô liata râh châta apyupa liata a duah awpa chyhsa ama hry liata tlua na ta, châhrasala pakha hmah hmô veih ei na.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

ZAWHÂNA 16:32

Pachâ teh u, a daihti â hnia haw, tlao a vaw tlô haw. Cha tita la nama o chyu lâta pai khai aw ei chi ta, kei dei ta eina siesai aw ei chi. Châhrasala kei dei ta y va na, ei hnohta Paw a y.

1 KAWRINI 1:24

Zuzy ama châpa chhao ta, Krikâhzy ama châpa chhao ta, awpazy châta cha, Krista cha Khazohpa hmotaotheina nata Khazohpa sona a châ.