ISAI 63:4 - Mara Bible RV (BSI)

⁴ Viarithôna noh ei palôh liata y ta, Ei chatlaina kô a vaw tlô haw.

ISAI 63:4 ပူးပေါင်းရင်းမြစ်များ

HLAZY 107:2

Cha kyh cha Abeipa chatlaipazy ta reih ei sala, Khakhaipa tawhta a chatlaipazy ta reih mawh ei sy!

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 1:27

Zaio cha adona ta chatlaipa châ aw ta, A tlâh chyhsa molei ropazy chhao, Siana ta chatlaipa ama châ aw.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 47:3

Na thluahruana palâpa châ aw ta, Na nozana hmôpa a châ aw. Phuh la aw na ta, Ahy hmahta pahlôh aw va na.

ISAI 52:3

Abeipa ta hetana heta a tah: “Mâ hnei leipa ta zuapa châ ei chi ta, Sôh leipa ta chatlaipa nama châ aw.”

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

EZEKIA 25:14

Ei phopi Izarei ku ta Edômâ chô liata ei phuh la aw na ta, ei hiehâhna nata ei pathiiana lymâ hawhta Edômâ chô liata tao aw ei ta, chatanachata kei ta phuh ei lapa a châzie ama pahno aw, Abeipa Zehôvâh ta a tah.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”