ISAI 62:9 - Mara Bible RV (BSI)

⁹ Sâh hriatuhpazy ta nie aw ei ta, Abeipa ama reithai aw; Kre thei lyutuhpazy ta doh aw ei ta, Ei supathaihpa dôhpachhôh tlyhmia lia tlai ta ama doh aw.”

ISAI 62:9 ပူးပေါင်းရင်းမြစ်များ

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ISAI 65:21

Ozy sapa ta tlôh aw ei ta, Kre sadôzy tao aw ei ta, A theizy ama nie aw.

ISAI 65:22

Mohropa tlô awpa ta o sa khao leipa aw ei ta, Mohropa nie awpa ta chi cheih khao aw veih ei. Thokô hro chhôh nohzy hawhta, Ei phopi hro chhôh nohzy cha pasi aw ta; Ei tlyhpazy chhao, Ama ku raihria thei bohpi ama nie aw.

ZEREMIAH 31:5

Samâri tlâhpizy liata Kre sadôzy tao heih aw chi ta; A lohtuhpazy ta loh aw ei ta, A theizy ama nie aw.

EZEKIA 40:14

Aikah thlie ta, dy sycharu a châ. Chhikao o aikah chadôpa ta tlyhmia a y.

ZÔELA 2:26

“A hluhpi nie aw ei chi ta, Nama lôhrâ a tlô aw; Chatanachata noâhchhihpa ta nama chô liata hmo a taopa, Abeipa nama Khazohpa moh cha nama reithai aw. Ei phopi cha, Maophyuhpa ta y heih khao aw vei.

ZEKARIA 3:7

“Pheisaihzy Abeipa ta hetana heta a tah: Ei lâpizy a chhihpa ta, ei biepiepazy na zyh khiahta cha, ei o liata ryurei aw chi ta, ei dôhpachhôh tlyhmia liata chhao biehnei aw chi ta, he liata chakaotuhpazy hry liata su ei cha pie aw.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 16:14

Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.