ISAI 62:5 - Mara Bible RV (BSI)

⁵ Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ISAI 62:5 ပူးပေါင်းရင်းမြစ်များ

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

HLAZY HLA 4:8

Hy keima myuh thieh, ei hnohta Lebanaw tawhta za sie la, Ei hnohta Lebanaw tawhta za sie ha mah y. Amânâ laki tawhta vaw pua la, Seni nata Hâmaw laki tawhta vaw pua mah y. Chakeibarôhneipa lôpuzy tawhta vaw pua la, Keichhoh tlâhpi tawhta vaw pua mah y.

ISAI 62:4

Azubâ cha tah khao leipa aw ei ta, Na râh chhao Semâmâ tah khao aw veih ei. Hephazibâ tlao cha tah aw ei ta, Na râh cha Beulâ râh ama tah aw. Na chô liata Abeipa a ly ta, Na râh cha dyh a châ aw.

ISAI 65:19

Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

HÔSIA 2:19

“Chhâzaw châta châ pahawh aw na ta, Siana nata adona ta ei châ pahawh aw; Kyhpachâna ta châ pahawh aw na ta, Ngiachhiena ta ei châ pahawh aw.

HÔSIA 2:21

“Cha noh liata, Ei cha chyh-ei aw; Avâ chyh-ei aw na ta, Avâ ta alei a chyh-ei aw,” Abeipa ta a tah.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

MALAKHAI 3:12

“Chatanachata râh zydua ta nohlaopa cha tah aw ei ta, râh khochhih ngaitapa nama châ aw,” Pheisaihzy Abeipa ta a tah.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.