ISAI 62:1 - Mara Bible RV (BSI)

¹ A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.

ISAI 62:1 ပူးပေါင်းရင်းမြစ်များ

HLAZY 137:6

Nâ châ thei thlâh ha leipa ta, Ei lyna chaipa hlâta Zerusale ei cha khoh via leipa khiahta cha, Ei paleih he ei dâh liata a bai mawh sy!

HLAZY 51:18

Nâ lynazie hawhta Zaio chô liata hmopha tao la, Zerusale thokhyzy padua mah y.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

ISAI 26:2

Ngiapâna a vaopa phopi siapa a ngia nawpa ta, Thokhy chhikaozy pahy teh u.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 48:18

Ei biepiepazy na vaw nathlie ha mawh sala, Na thlalôhna chavah hawhta châ aw ta, Na siana tilaipi chatlaopa hawhta a châ awpa tlai!

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 54:14

Siana ta paduapa châ aw chi ta, Tlybaina tawhta lâhlapi ta na y bâ awpa vâta, Chi khao aw va chi; Chichhihpa tawhta lâhlapi ta y aw chi ta, Châ hnia khao aw vei.

ISAI 58:8

“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ISAI 60:2

Pachâ teh, zohna ta alei he khu aw ta, Zoh kaluhna ta phopizy a khu aw. Nâma chô liata deikua cha, Abeipa noh vaw chhi aw ta, A rônahna na chô liata â lâ aw.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

ZEKARIA 2:12

Abeipa ta Zudâh cha Râh Pathaihpa liata a ryu patosa aw ta, Zerusale cha â tlyh heih aw.”

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 10:2

Ama hnohta, “Sâh hria awpa hluhpi y ta, hriatuhpazy deikua ama chyh. Chavâta a sâh hria awpa ta hriatuhpazy a vaw tuah thei nawpa ta, sâh hria Beipa lâ hiah teh u.

2 THYSALAWNIKA 3:1

Achhâna liata cha unawh saih u, Abeipa bie nama hry liata a chatliepa ta pathâh ta, palyupalihpa ta a ypa hawhna khata, pathâh via lymâ sala, palyupalihpa ta a y thei nawpa ta, thlah miah chhâpa muh vy.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.