ISAI 61:9 - Mara Bible RV (BSI)

⁹ Ama sawzy cha, Râhzy hry liata pahnopa châ aw ei ta; Ama pathlazy cha, Phopizy hry liata pahnopa ama châ aw. A hmôpa maihta âmo cha, Abeipa byhnâ piepa chipathla ama châ tahpa ama pahno aw.

ISAI 61:9 ပူးပေါင်းရင်းမြစ်များ

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 30:27

Lâbâ ta a hnohta, “Na modypa ei châ khiahta cha, ngiachhiepa ta y chy mah y. Nâma zawhzi ta Abeipa ta byhnâ eina pie tahpa aluahna ta ei hmô haw,” tah ta.

HLAZY 115:14

Abeipa ta nâ nata na sawzy cha, Cha papôhsa via rili mawh sy!

ISAI 43:5

Chi khah y, na hnohta ei y mâh tâh. Nochhi lâ tawhta na chipathla a vaw chhi aw na ta, Notla lâ tawhta ei cha pakhy aw.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

ISAI 65:23

Hraoleipa ta hriapasa khao leipa aw ei ta, Chhiena a tyh awpa sawzy sa khao aw veih ei. Abeipa byhnâ piepa sawzy châ aw ei ta, Ama pathlazy chhao, Abeipa byhnâ piepa ama châ aw.

ISAI 66:22

“Avâ thiehpa nata alei thiehpa ei taopazy cha, Ei hmiakô liata khâ ama y thlâh ha awpa hawhta, Nama pathlazy nata nama moh chhao khâ a y thlâh ha aw,” Abeipa ta a tah.

ZEREMIAH 31:7

Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

MALAKHAI 3:12

“Chatanachata râh zydua ta nohlaopa cha tah aw ei ta, râh khochhih ngaitapa nama châ aw,” Pheisaihzy Abeipa ta a tah.

MALUHREINA 22:12

Khazohpa ta Bâlâma hnohta, “Ama hnohta na sie awpa châ leipa ta, cha phopi cha chhie na sapa awpa châ hra vei. Âmo cha byhnâ a topa ama châ,” tah ta.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.