ISAI 60:6 - Mara Bible RV (BSI)

⁶ Râraoseihpa hluh ngaitapazy ta Cha pahly aw ei ta; Midia nata Epha liata râraoseihpa lochopazy ta Ama cha pahly aw; Sebâ râraoseihpa zydua vaw tlô khai aw ei ta, Ngôh nata deiryh zy vaw phaopa ta, Abeipa reithaina thâtihpha ama vaw tlôkhei aw.

ISAI 60:6 ပူးပေါင်းရင်းမြစ်များ

ÂTHAONA 10:7

Kusi sawchapawzy cha Sibâ, Havilâ, Sâbatâ, Râmâ nata Satekâ zy ama châ. Râmâ sawchapawzy cha Sebâ nata Dedâ zy ama châ.

ÂTHAONA 25:13

Hezy he ama moh nata ama pathlazy yzie hawhta Ismela sawchapawzy moh a châ: Ismela sawchapaw uhtheipa cha Nebaiô châ ta, a pazipazy cha Kedâ, Adabe, Mibasâ,

1 ABEIZY 10:2

Zituhpa hluhpi nata ia-ôzy nata ngôh nata lôsôhpa hluhpi a phaohpa râraoseihpazy chhaota Zerusale lâ khy ta. Sawlawmaw kô a tlô nahta, a palôh liata a ypa zydua hiahri ta.

2 ABEIZY 8:9

Hâze cha Khazohpa chyhsa a hmô awpa ta sie ta. Kuhria châta Dâmaskâ liata hmo phapa to, râraoseihpa sypalih phao tlai phaopa ta. A tlô nahta, a hmiakô liata a kei duah ta, a hnohta, “Na sawchapawpa Aramia bei Benhadâ ta, ‘He pasana tawh heta ei tlâh thei aw ma,’ tahpa ta cha hiahri awpa ta nâ lâta eina vaw tuah,” tah ta.

1 THÂTIHZYRONA 1:33

Midia sawchapawzy cha Epha, Ephe, Hanô, Abidâ nata Eldâ zy ama châ. Cha zydua cha Keturâ pathlazy ama châ.

2 THÂTIHZYRONA 9:1

Sawlawmaw moh pathâhnazie Sebâ beinô ta a thei nahta, Sawlawmaw cha bie khiakhi ngaitapazy ta pasia awpa ta Zerusale lâ a khy ta. Zituhpa hluhpi nata ia-ôzy nata ngôh nata lôsôhpa hluhpi phaoh ta, râraoseihpazy chhaota khy ta. Sawlawmaw kô a tlô nahta, a palôh liata bie a ypa zydua chho ta.

HLAZY 67:4

Râhzy ama thapha sala, Alyna hla sa mawh ei sy; Nâ cha phopizy â khongâhpa ta pachia chi ta, Khizaw râhzy a chhihthatuhpa na châ. Selah

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 72:15

Abei cha hroh pareih sala, Sebâ ngôh piepa châ mawh sy! Ano châta khâ thlahchhâ ei sala, Noh y ta byhnâ awpa mawh ei sy!

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 60:9

Na sawchapawzy lâhlapi tawhta a vaw chhipa ta, Ama tâkâ nata ngôh chhaota a vaw chhi awpa ta, Tilaipi kiah râhzy ta na hâ ei ta, A vaw tlô tua awpa Tâsi balyhzy ama hâ thlâh haw. Abeipa ta a cha parônahsapa vâta, He hmo he Abeipa na Khazohpa moh châta taopa châ aw ta, Izarei Mo Pathaihpa châta taopa a châ aw.

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

EZEKIA 27:22

Sebâ nata Râmâ sôhpalietuhpazy ta châ daoh ei ta, ia-ô pahâh chaipa chi to, lôsôhpa chi to nata ngôh zy ta na hmozy ama cha ri tyh.

ZEPHANIA 3:10

Kusi chavahzy khô lâ râhzy tawhta, Kei nâ chhytuhpa ei phopi paipatlapa sawchanôzy ta Kei lâta hmohlâpa ama vaw cheih aw.

ZEKARIA 14:16

Zerusale a dyuhpa phopi zydua hry liata ahrohpa maih cha, Abeipa, Pheisaihzy Abeipa a naoh awpa nata Byureih Kyhchhi hmâ awpa ta, kô chareih ta Zerusale lâ ama khy tyh aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

RAWMA 15:9

Chatanachata Zenitaizy chhao ta Khazohpa cha a ngiachhiena vâta ama reithai thei hra aw, Biehrai liata, “Zenitaizy hry liata cha reithai aw na ta, Na moh reithaipa ta ei sa aw,” tahpa ropa hawhna khata.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

RYUREITUHPAZY 6:5

Ama sahroh nata poh ozy chhaota vaw thyu tyh ei ta, khawsu tlu ta hluhpa ta vaw thyu ei ta, a chyhsa maluh nata ama râraoseihpazy cha rei tiah awpa chhao châ veih ei. A vy ei ta, râh cha roryhrapa ta ama so tyh.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.