Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.
Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.
Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,
“Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.
“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.
A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.
Chatanachata a thlapalôhna sâhpi pazy aw ei chi ta, Lôhrâtlôpa ta nama y aw. A sâhpi a thua ta a thlaoh ngâpa doh aw ei chi ta, Palôhtlâhpa ta nama y aw,” Abeipa ta a tah.
“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.
Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.
Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.
Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.
Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.
Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.
Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.