ISAI 6:3 - Mara Bible RV (BSI)

³ Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ISAI 6:3 ပူးပေါင်းရင်းမြစ်များ

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

HLAZY 57:11

Hy Khazohpa, avâzy chô lâta cheihchalopa ta y la, Na rônahna ta leilô zydua bie mawh sy!

HLAZY 66:2

A moh rônahna hla sapa ta, Reithaina rônahpa hlâ teh u.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 8:2

Chariahpa nata phuh latuhpazy padiahpa ta, Na khakhaipazy pahnie nawpa ta, Hawtipa nata hawsaihpazy pakah tawhta thatlôna na papua.

HLAZY 90:16

Châ chakaotuhpazy ta na hmotaopa hmô ei sala, Ama pathlazy ta na hmotaotheina rônahpa hmô mawh ei sy!

HLAZY 97:6

Avâzy ta a siana phuah ei ta, Phopi to ta a rônahna ama hmô.

HLAZY 99:3

Na moh rônahpa nata zachhihpa cha reithai mawh ei sy! Abeipa cha a pathaih na!

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

ISAI 40:5

Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

EZEKIA 44:4

Chatawhcha maw lâ a heihpa chhikao lâ tawhta Achhyna o tlyhmia lâ nâ chhi ta. Moh na ta, Abeipa Achhyna o cha Abeipa rônahna ta a bie khai hapa ta hmô na ta. Â khu lâta pao na ta.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

MALUHREINA 14:21

Châhrasala ei hrona reipa ta ei reih; leilô zydua he Abeipa rônahna ta a bie aw.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.