ISAI 6:2 - Mara Bible RV (BSI)

² Beidyuchhai chô lâta serâfizy a duah ei ta. Mathlaw miacharu chyu hnei ei ta. Mathlaw miano ta a hmia khu ta, miano ta a pheizy khu ta, miano ta a zaw ta.

ISAI 6:2 ပူးပေါင်းရင်းမြစ်များ

ÂTHAONA 17:3

Abarâ cha â khu lâta pao ta, Khazohpa ta a hnohta,

1 ABEIZY 19:13

Elaizâh ta cha cha a thei nahta, a viahkao pasipa ta a hmia a khu ta, kei pua ta, lôpu paka liata a kei duah ta. Ao vaw pua ta, a hnohta, “He liata khâpa na tao, Elaizâh?” tah ta,

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

1 ABEIZY 6:24

Cherubi mathlaw miakha cha dy pangawh seih ta, cherubi mathlaw hiakha lâ chhao dy pangawh seih hra ta, a mathlaw miakha pawhmao tawhta mathlaw hiakha lâ pawhmao taihta dy hrawh a seih.

1 ABEIZY 6:27

Cherubizy cha Achhyna o chhôh chaipa liata soh ta. Cherubizy cha ama mathlaw pakai ei ta, miakhapa mathlaw ta pâhchhô hiakha lâ hria ta, ahropa mathlaw ta pâhchhô hiakha lâ hria hra ta, ama mathlawzy cha Achhyna o liah khophie liata amâ tyh.

1 ABEIZY 8:7

Cherubizy cha Byh luh chô liata ama mathlaw pakai ei ta, cherubizy ta Byh nata asyna lâzy cha pahli ei ta.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

ZAWBÂ 1:6

Vâmozy Abeipa hmiakô liata amâ luahna noh liata, Sâtâ chhao ama hry liata a vaw luah hra ta.

ZAWBÂ 15:15

Moh teh, Khazohpa cha a vâlyuhchâpazy chô lia hmahta ngâna pahnieh leipa ta, A mohmô liata cha avâzy chhao pathaih leipa châ ta;

ZAWBÂ 4:18

A chakaotuhpazy hmahta ngâ leipa sala, A vâlyuhchâpazy taopasipa ta a bai khiah ei ta cha,

HLAZY 103:20

Hy nâmo, a vâlyuhchâpazy saih u, Abeipa cha reithai u la; Nâmo, a biepiepazy zyh ta, A biereipa ao a theipa thatlôpazy saih u, Abeipa cha reithai teh u!

HLAZY 104:4

Thlihzy cha na lyuhchâpazy ta hmâh chi ta, Meipaleih cha châ chakaotuhpazy ta na hmâh tyh.

HLAZY 18:10

Cherubi chô liata kiapa ta a zaw ta, Thlih mathlawzy kiahpa ta a vaw tlô.

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

PUASAINA 25:20

Cherubizy cha zawngiahna dyuchhai lâ a heih aw ei ta, hmia amâ chhy aw. Ama mathlawzy â sâhpa ta pakai aw ei ta, ama mathlawzy ta zawngiahna dyuchhai cha ama khu aw.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 37:9

Cherubizy cha zawngiahna dyuchhai lâ a heihpa ta, ama hmia a chhy ei ta, ama mathlawzy â sâhpa ta pakai ei ta, zawngiahna dyuchhai cha ama mathlaw ta ama khu.

ISAI 6:6

Chatawhcha serâfizy hry liata pakha cha chaikie ta maisâh tawhta a lapa meihei iapa chabapa ta kei lâ a vaw zaw ta.

EZEKIA 1:11

Cha hawhpa hmiazy cha ama hnei. Ama mathlawzy cha avâ lâ pakai ei ta, hmohrohneipa pakha mathlaw mianopazy cha hmohrohneipa hropa mathlawzy hria ta, mathlaw mianopazy ta ama pôhpa a khu.

EZEKIA 1:24

Ama sie nahta, ama mathlaw pyu cha ti hluhpi pyu hawhta thei na ta, Atotaotheipa ao hawhta theipa ta, pheisaih hluhpi awhsâhpa pyu hawhta ei thei. Amâ dua nahta deikua cha, ama mathlawzy ama pazih tyh.

EZEKIA 1:4

Moh na ta, maw lâ tawhta thlihpipa a vaw pathlipa nata meihdo chhakaluhpa hmô na ta. Meihdo tawhta dôhla mei â zaopa ta vaw pua ta, meihdo cha khaihna ta chadô ta. Mei liah liata thua patliepa a lyupa y ta.

EZEKIA 1:6

châhrasala hmia palih chyu hnei ei ta, mathlaw miapalih chyu ama hnei.

EZEKIA 1:9

Ama mathlawzy cha â hria thei ei ta, ama sie nota a pahieh leipa ta, âmo dady ta ama sie chyu.

EZEKIA 10:16

Cherubizy ama sie nahta, tiakizy chhao ama kiapâh liata ama sie lymâ hra. Cherubizy ta alei tawhta a zaw awpa ta ama mathlawzy ama pakai nahta, tiakizy ta ama kiapâh tawhta a liesai veih ei.

EZEKIA 10:21

Ama zydua ta hmia miapalih nata mathlaw miapalih hnei chyu ei ta, ama mathlawzy ry liata chyhsapa ku a lyupa ama hnei chyu.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

DÂNIAH 9:21

thlahchhâna bie ei rei hai no tlai ta, aluahna hmiatuapa liata ei hmôpa chyhsa, Kabriel kha ta, zâlâ atheihna hlâ daihti liata a chatliepa ta kei lâ a zâ zaw ta.

ZEKARIA 3:4

Vâlyuhchâpa ta, Zawsua chakaotuhpazy hnohta, “A chysia puapazy kha pahluhpa teh u,” tah ta. Zawsua hnohta, “Moh teh, na moleina ei cha lapa haw. Chysia rônahpazy ta ei cha tobi aw,” tah ta.

LUKA 1:10

Ropahâhpa raona daihti liata, zawpi zydua cha khôtho liata thlahchhâ ei ta.

HEBRAI 1:7

Vâlyuhchâpazy kyh liata, “Vâlyuhchâpazy cha thlih pachâsa ta, A chakaotuhpazy chhao meipaleih a pachâsa tyh,” tah heih ta.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 7:11

Vâlyuhchâpa zydua cha beidyuchhai nata machâzy nata hmohrohneipa miapalihzy chadôpa ta a duah ei ta, beidyuchhai hmiakô liata â khu lâta pao ei ta,

BIEPHUAH 8:13

Chatawhcha kaw moh na ta, avâ liata a zawpa pahmôhpi ta ao paro ngaitapa ta, “Vâlyuhchâpa pathôh ta chiahmie ama vaw tô awpa pyuzy vâta, alei liata a pahrâpazy cha ama hu a po na, ama hu a po na, ama hu a po na!” a tahpa thei na ta.