ISAI 6:13 - Mara Bible RV (BSI)

¹³ Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ISAI 6:13 ပူးပေါင်းရင်းမြစ်များ

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

EZRÂ 9:2

Ama sawchanôzy cha âmo nata ama sawchapawzy ta lapinô ta hnei ei ta, chatanachata chi pathaihpa cha, cha râh liata phopi hropazy chi nata a pahlaopahlipa ta a y haw. He ngâchhih leina kyh liana heta beimachâzy nata chhituhpazy ama châ pachai,” tahpa ta na chho ei ta.

EZRÂ 9:8

Tahmâ deikua cha, Abeipa eima Khazohpa ta bohpi leipa chhôh khokheina miah patosa ta, laibâhpazy miah pahlôhpa ta, a su pathaihpa liata abohna miah pie ta. Eima mozy pavâ awpa nata seichâna tawhta a chyhta a hua awpa ta, eima Khazohpa ta miah pasaih ta.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

AMÔSÂ 5:3

Abeipa Zehôvâh ta heta na heta a tah: “Izarei phopi châta pheisaih a tuahpa khihpi cha, Sâh kha hrâ a siepazy hry liata za kha dei vaw kua aw ei ta, Za kha a siepazy hry liata pahrawh dei ama vaw kua aw.”

MIKÂ 5:6

Asuria cha zaozi ta parao aw ei ta, Nimraw râh cha â ngiana liata ama parao aw. Asuria cha eima râh lâ a vy sala, Eima râh chhôh liata a phei a vaw tly tita, Ano ta miah a pachha aw.

ZEPHANIA 3:12

Nama hry liata nônaipa nata areisipazy deikua cha, Pahlôh aw ei na ta, Abeipa moh cha amâ bohna a châ aw.

ZEKARIA 13:8

Râh pôhpalôhpa liata, Su thôh su no chhawh pathlahpa ta thi aw ei ta, Su thôh su kha ahrohpa ta pahlôhpa ama châ aw.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

MÂKA 13:20

Abeipa ta cha nohzy cha pachhosa leipa chhochhi sala, chyhsa ahy hmahta pachhapa ta y aw veih ei. Châhrasala chyhsa atlyhpa, a raopazy vâta nohzy cha a pachhohsapa a châ.

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

RYHPACHANEINA 28:62

Abeipa nama Khazohpa ao nama nathlie leipa vâta, avâ liata awhsi zie a châ tyhpa ei chi kha, a chyhta dei nama y aw.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.