ISAI 6:11 - Mara Bible RV (BSI)

¹¹ Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ISAI 6:11 ပူးပေါင်းရင်းမြစ်များ

HLAZY 74:10

Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

HLAZY 79:5

Hy Abeipa, khati taih ma a châ aw tly? Chhâzaw ta ma na hie a hâh thlâh ha aw? Na hiatliana cha mei hawhta ma a kâ aw?

HLAZY 90:13

Hy Abeipa, vaw kua mah y! Khachâ ma na hie a hâh aw tly? Châ chakaotuhpazy chô liata thapasana hnei mah y!

HLAZY 94:3

Hy Abeipa, khachâ ma a châ aw, Hmoparaopazy khati taih ma amâ ly aw?

ISAI 1:7

Nama râh roryhrapa ta y ta, Nama khihpizy mei ta kâ ta; Nama mohmô lia tlai ta, Chihropazy ta nama râh ama palâ khai haw. Chihropazy ta râh parao khai ha ei ta, Roryhrapa ta a y.

ISAI 13:12

Chyhsazy cha ngôh suapa hlâta chakoh viapa ta tao aw ei na ta, Chyhsapa cha Ôphi ngôh hlâta chakoh viapa ta ei tao aw.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 32:14

Abei o cha siesaipa châ aw ta, Chyhsa hluhpi pahrâna khihpi chhao puasaipa a châ aw. Tlâhthlôh nata riahvaina o sâhpa zy chhao, Lôpuzy lâta chhâzaw ta amâ lie aw. Lyurâhpa alâzy alyna châ aw ei ta, Mietakuzy tlaihna ama châ aw.

ISAI 35:1

Râhchawhpa nata râh raohpa zy a ly aw ei ta, Sadi su chhao thaphapa ta y aw ta, Rôspaw hawhta a pawh aw.

ISAI 5:9

Pheisaihzy Abeipa ta ei nah theina liata hetana heta a tah: “O rônahpazy cha roryhrapa ta y tlai aw ei ta, O laipa nata o ngiapazy chhao pahrâtuhpa hnei khao aw vei.

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

ISAI 64:10

Na khihpi pathaihpazy cha, Râhchawhpa lâta a lie ha ei ta; Zaio chhao râhchawhpa lâta a lie ha ta, Zerusale chhao roryhrapa lâta â lie haw.

ZEREMIAH 22:6

Abeipa ta Zudâh bei pathlazy kyh liata hetana heta a tah: “‘Ei châta Kilia hawhta châ chi ta, Lebanaw tlâh laki hawhta na châ; Chatahrasala râhchawhpa ta cha tao aw na ta, Khihpi rypa ta ei cha tao aw.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 44:2

“Pheisaihzy Abeipa, Izarei Khazohpa ta hetana heta a tah: Zerusale nata Zudâh khihpi zydua chô liata chhiena ei patlôsapa zydua nama hmô. Moh tua u, tanoh chhao roryhrapa ta y ei ta, khihpizy liata a pahrâpa ama y khao vei hih.

ZEREMIAH 52:27

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

EZEKIA 6:6

Nama pahrâna su zydua liata, khihpizy rao khai aw ta, su sâhpazy roryhrapa ta a y aw. Chatanachata nama maisâhzy cha paraopa châ aw ta, roryhrapa ta a y aw. Nama khazoh nothlahpazy pakeipa châ aw ta, pahleipadiapa a châ aw. Nama ropahâhpa raona maisâhzy chhawh pachhôpa châ aw ta, nama hmotaopazy pahleipadia khaipa a châ aw.

DÂNIAH 8:13

Chatawhcha mopathaihpa pakha bie reipa thei na ta, mopathaihpa hropa ta bie a reihpa mopathaihpa hnohna chata, “Raopa hlâna hlâ tyhpa kyh, roryhrana patlôsatuhpa paraona kyh nata phei ry liata tlypâ awpa ta su pathaihpa nata sahlaozy hlâpa ta ama yna kyh aluahnazy he khati taih ma a châ aw?” tah ta.

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

MIKÂ 5:11

Na râh khihpizy parao aw na ta, Na thokhy zydua ei pacho khai aw.

MIKÂ 6:13

Chavâta kei chhao ta, A pasa kawpa ta cha tu na ta, Na moleina vâta, Roryhrapa ta ei cha tao haw.

MIKÂ 7:13

Râh deikua cha a chhôh liata a pahrâpazy vâta, Roryhrapa ta y aw ta; Ama hmotao theilâpazy vâta, Roryhrapa ta a y aw.

RYHPACHANEINA 28:62

Abeipa nama Khazohpa ao nama nathlie leipa vâta, avâ liata awhsi zie a châ tyhpa ei chi kha, a chyhta dei nama y aw.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.