ISAI 59:8 - Mara Bible RV (BSI)

⁸ Thlalôhna lâthlôh pahno leipa ei ta, Ama lâpizy liata adona y vei. Ama lâpizy â kopa ta tao ei ta, Cha liata a siepa ahy hmahta thlalôhna hmô veih ei.

ISAI 59:8 ပူးပေါင်းရင်းမြစ်များ

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

BIESOZY 2:13

Âmo zohna lâpizy a chhih awpa ta, Siana lâpizy a tleisai hapa ama châ.

BIESOZY 2:15

Ama lâpi a kokaliepazy châ ei ta, Chyhsa dôvei khohna hro a hneipazy ama châ.

BIESOZY 21:8

Thailei a châpa lâpi cha a ko ta, Chyhsa pathaihpa hro deikua cha â do.

BIESOZY 28:18

Adona ta a hrohpa cha pachhapa châ aw ta, A hroziezy adoleipa deikua cha eikhapi ta a pao aw.

BIESOZY 3:17

A lâpizy cha lâpi khochhihpazy châ ta, A lâthlôh zydua cha thlalôhna lâthlôh a châ.

ISAI 48:22

“Moleipazy châta thlalôhna rai y vei,” Abeipa ta a tah.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ISAI 59:9

Chavâta adona cha, Keimo tawhta â hlapi ta y ta; Siana ta miah pha beih vei. Khaihna hâ pi ta, Châhrasala zohna sai a y; Pavâpa hâ pi ta, Châhrasala zoh kaluhpa liata tlao eima charei.

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

RAWMA 3:17

Thlalôhna lâpi pahno veih ei.