ISAI 59:6 - Mara Bible RV (BSI)

⁶ Zytôpuhpa bu ama râpazy cha, A bu tlâh châ leipa aw ta; Ama thaisapazy chhao, Chysia ta a tobi tlâh châ aw vei. Ama raihriazy cha, Moleina raihriazy châ ei ta; Thachahra hmâpa ta hmotaopazy Ama ku liata a y.

ISAI 59:6 ပူးပေါင်းရင်းမြစ်များ

ÂTHAONA 6:11

Alei cha Khazohpa hmiakô liata rao khai ha ta, thachahra hmâna sai ta bie ta.

ZAWBÂ 16:17

Ei kuzy ta thachahra hmâh leipa ta, Ei thlahchhâna a pathaih thlâh hapa chhao ta.

HLAZY 55:11

Khihpi chhôh cha paraona ta bie ta, Tlybaina nata dôveina zy ta a lâlaizy puasai beih vei.

HLAZY 58:2

Châ bao va, nama palôh ta hmo doleipa tao ei chi ta, Nama ku ta alei chô liata thachahra a hmâh tyh.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ZEREMIAH 6:7

Tikhaoh ta ti khâ a papuapa hawhta, A moleina khâ a papua. Atudaina nata raona pyu a chhôh liata theipa châ ta, Pasana nata hmahphaona zy ei hmiakô liata khâ ama y.

EZEKIA 18:12

dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 7:11

Nôchhiena cha kaw pitloh ta, moleina chôchahrei lâta â lie haw. Ahy hmahta y khao leipa aw ei ta, ama zawpi nata ama hneirôna zy y khao hra leipa aw ta, ama hry liata hmo sôhpazy chhao y tlâ khao aw vei.

EZEKIA 7:23

“Bâlia daih teh! Râh he thisaih palona moleina ta bie ta, khihpi chhao atudaina ta a bie ha hih.

EZEKIA 9:9

Abeipa ta ei hnohta, “Izarei nata Zudâh pathlazy moleina rarôh a y tu haw. Râh cha thisai ta bie ta, khihpi chhao avyuhna ta a bie. ‘Abeipa ta râh siesai ha ta, Abeipa ta hmô vei,’ ama tah.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

AMÔSÂ 6:3

Chhiena noh lâhlapi lâ pasie ei chi ta, Thachahra hmâna dyuchhai nama vaw pahniasa.

MIKÂ 2:8

Châhrasala atlia tawhta cha, Ei phopi ta chariah hawhta thyu ei chi ta, Thlalôh kawpa ta châ chapiapazy cha, Ama chysia phapazy pahluhpa ei chi ta, Adyuhna lâ tawhta a vaw liepazy hawhta nama tao tyh.

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

ZEPHANIA 1:9

Cha noh liata, Panana châkeih a zawpakhô tyhpa zydua hrie aw ei na ta, Thachahra hmâna nata dôveina ta ama khazoh o a pabiepazy ei hrie aw ei.

ZEPHANIA 3:1

Khihpi thuhnypa nata puapa, Tlybai a hmâhpa khihpi cha, A hu a po na!

MALAKHAI 2:16

“Nôvah a chhaihpa he ei hao,” Abeipa Izarei Khazohpa ta a tah. “Chysia a tobipa hawhta thachahra hmâna ta a tobipa chhao ei hao hra. Chavâta nama thlahpa hro a phapa ta vaih u la, ngâchhihna pahlei khuh vy,” Pheisaihzy Abeipa ta a tah.