ISAI 59:18 - Mara Bible RV (BSI)

¹⁸ Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ISAI 59:18 ပူးပေါင်းရင်းမြစ်များ

ZAWBÂ 34:11

Chyhsapa cha a hmotaopa hawhta viarithô aw ta, A yzie hawhta a chô liata a patlôsa aw.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 40:10

Moh teh u, Abeipa Zehôvâh cha, Hmotaotheina chhaota a vy ta, A bâh thatlôna hmâpa ta ryu a reih aw. Moh teh u, a lymâ a hnohta y ta, A viarithôna chhao a hmiakô liata a y.

ISAI 49:4

Châhrasala kei ta hetana heta ei chhy: “Hraoleipa ta hriapasapa ta, Khâpa hmah a châ leipa liata ei tha pahryuh na ta, Aruapa liata ei tha ei pahryuh; Chatahrasala ei dona cha Abeipa liata y ta, Ei lymâ chhao ei Khazohpa liata a y.”

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

ISAI 63:6

Ei hiehâhpa ta phopizy ei tlysao ha ei; Ei pathiiana ti padosa ei na ta, Ama hrona thisaih alei liata ei leihthapa ha ei,” Abeipa ta a tah.

ISAI 65:6

Moh teh u, he bie he ei hmiakô liata ropa ta a y: “A chalih thlâh ha leipa aw na ta, Viari thô aw na ta, Ama kalachhôh lia tlai ta viari ei thô aw.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ISAI 66:6

“Khihpi liata tyhreihna pyu nathlie u la, Achhyna o tawhta pyu a vaw puapa nathlie tua u! Abeipa pyu châ ta, A chariahpazy viari a thôna pyu a châ chuh!”

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 23:49

Nama aohraohna cha nama chô liata cha vaw palie thlusa aw ei ta, khazoh nothlahpa namâ chhyna nama moleina ty nama phaoh aw. Chatanachata kei he Abeipa Zehôvâh ei châ tahpa nama pahno aw,” tah ta.

EZEKIA 38:18

Châhrasala cha noh liata, Kawkâ ta Izarei râh a vaw siehnao awpa noh lia tlai ta, ei hiehâhna ru ngaitapa a pua aw, Abeipa Zehôvâh ta a tah.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

EZEKIA 6:12

Lâhlapi ta a ypa cha potlana ta thi aw ta, lâhnia liata a ypa zaozi ta paopa ta, ahrohpa ta pahlôhpa cha chakâhna ta a thi aw. Cha hawhta taopa ta, ama chô liata ei hiehâhna cha ei padia aw.

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

RAWMA 2:6

Khazohpa ta chyhsa to ama hmotaopa lymâ hawhta a pachia aw.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

RYHPACHANEINA 7:10

Ano a haotuhpazy deikua cha, hmiadaisâ ta viari thô ta, a pahleipadia tyh ei. Ano a haotuhpazy viari thô awpa ta hawh aw vei. Hmiadaisâ ta viari a thô aw ei.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.