ISAI 59:17 - Mara Bible RV (BSI)

¹⁷ Siana chachôhna vyhphao a ky ta, Pachhana lakhu â khu; Phuh lana chysia a tobi ta, Hiehâhna poh â bu.

ISAI 59:17 ပူးပေါင်းရင်းမြစ်များ

ZAWBÂ 29:14

Siana cha chysia ta a tobi na ta, Adona cha ei viahkao nata ei khutho a châ.

HLAZY 69:9

Na o châta phahnai ei ngiahna ta na nie khai ha ta, Châ reipachhietuhpazy reipachhiena ei chô liata a tla.

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

ISAI 11:5

Siana ta a chai a saih aw ta, Ngâchhihna ta a chai â saih aw.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 37:32

Laibâhpazy cha Zerusale tawhta pua aw ei ta, ahrohpazy Zaio Tlâh tawhta ama pua aw. Abeipa phahnaingiahna ta chazy cha a tao aw.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ISAI 63:2

Khazia ma na poh kha saih ta, Na chysia kha kre saohna khaoh liata Kre thei tlytuhpa chysia a lyu tly i?

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

ZEKARIA 1:14

Chatawhcha bie nâ chhotuhpa vâlyuhchâpa chata, ‘Awh teh, Pheisaihzy Abeipa ta hetana heta a tah: Zerusale nata Zaio chô liata ei hiatlia a pasa ngaita.

ZAWHÂNA 2:17

A pachupazy ta, “Na o châta phahnai ei ngiahna ta eina nie khai aw,” tahpa ropa bie a vaw thei ei ta.

2 KAWRINI 6:7

bie hmeiseihpa reina liata zy, Khazohpa hmotaotheina liata zy, chachâh lâ nata chavei lâta siana chaihrai chabana liata zy;

EPHESI 6:14

Biehmeiseihpa ta nama chai a saih u la, siana chachôhna vyhphao a kypa ta a duah teh u.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

1 THYSALAWNIKA 5:8

Keimo deikua cha, noh chyhsazy eima châpa vâta, ngiapâna nata kyhpachâna chachôhna vyhphao a kypa ta, pachhana hnabeiseihna lakhu a khu sih la, palôh pasohpa ta y suh u.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 10:30

“Phuh cha keima la awpa châ ta, kei ta viari ei thô aw,” a tahtuhpa eima pahno. “Abeipa ta a phopi a pachia aw,” a tahtuhpa chhao eima pahno.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.