ISAI 59:15 - Mara Bible RV (BSI)

¹⁵ Ngâchhihna y khao leipa ta, Chavâta hmo pha leipa a bâhsaituhpa cha, Anosasyh ta hraona hmo ta â tao tyh. Abeipa ta cha cha moh ta, Adona rai a y leipa vâta â ly lei kaw tyh.

ISAI 59:15 ပူးပေါင်းရင်းမြစ်များ

ÂTHAONA 38:10

A hmotaopa cha Abeipa mohmô liata molei ngaitapa châ ta, Abeipa ta ano chhao cha a thie ha hra.

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

2 ABEIZY 9:11

Zehu cha a zibeipa chakaotuhpazy lâ vaw pua ta, ama hry liata pakha ta a hnohta, “Ato a pha khai ma? Kha ahrupa kha khâpa vâta nâ lâ a vypa ma a châ tly?” tah ta. Zehu ta ama hnohta, “Nama pahnopa chyhsa châ ta, a bie reipa chhao nama pahno kha zaw,” tah ta.

2 THÂTIHZYRONA 21:7

Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

ISAI 66:4

Aw ei na ta, ahy hmahta na chhy leipa ei ta, Bie reih na ta, nathlie hra veih ei; Ei mohmô liata hmo pha leipa tao ei ta, Ei ly leipa hmo amâ tlyhpa vâta, Kei chhao ta ama chô liata chahrâh kawpa ta tao aw na ta, Ama chipazy ama chô liata ei patlôsa aw,” Abeipa ta a tah.

ZEREMIAH 29:26

‘Abeipa ta theihthaipa Zehôdâ vyuhpa ta theih­thaipa ta cha tao ta, hrohsona bie a phuahpa angâpa maih cha keihrai dai ta, thua raopaky paky awpa ta, Abeipa o liata hyutuhpa ta a cha tao.

ZEREMIAH 7:28

Chatanachata ama hnohta, ‘He phopi he Abeipa ama Khazohpa ao a nathlie leipa nata a chhoreina a ngiah leipa phopi ama châ hih. Ngâchhihna lei ha ta, ama pakah tawhta chhawh pathlah hapa a châ,’ na tah aw ei.

CHAPHÔHTUNA 3:36

Ryureina liata chyhsa bie pakosapa chhao, Abeipa ta paryhsa hra vei.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

AMÔSÂ 5:10

Thokhy chhikao liata chhoreituhpa a hao ei ta, Biedopa a reihpa ama pasi.

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

MÂKA 3:21

A chhôhkhazy ta cha thâtih cha ama thei nahta, “A palôh â ki khao ei vei chuh,” tah ei ta, a chhi awpa ta sie ei ta.

ZAWHÂNA 10:20

Chyhsa hluhpi ta, “Ahripa hnei ta, a hru ha hih, khazia a bie nama nathlie?” tah ei ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

HMOTAOPAZY 26:24

Cha hawhta a thaichâna bie a rei hai nota, Festâ ta ao paro ngaitapa ta, “Pawla, na palôh â ki khao leipa he! Nâ chu hluhna ta a cha pahrusa ha hih!” tah ta.

HMOTAOPAZY 9:1

Sawla cha Abeipa pachupa sahlao pachhiparyna nata thie awpa kyhzy reih lymâ ta. Theihthai beichaipa lâ vawh ta,

HMOTAOPAZY 9:23

Noh hluhpi a khô tawhta, Sawla thie awpa ta Zuzy cha a chhohia ei ta.

RAWMA 8:36

“Nâma vâta noh y ta thiepa ta y pi ta, Mietaku thie awpazy hawhta pachâpa eima châ,” tahpa ta ropa a châ.

2 KAWRINI 5:13

Eima hru khiah, Khazohpa châta châ ta; eima so khiah, nâmo châta a châ.