ISAI 59:12 - Mara Bible RV (BSI)

¹² Eima paraonazy na hmiakô liata pôh via rili ta, Eima moleinazy ta miah ama leih tyh. Eima paraonazy eima hnohta khâ y ei ta, Eima moleinazy eima pahno.

ISAI 59:12 ပူးပေါင်းရင်းမြစ်များ

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

EZRÂ 9:6

“Hy ei Khazohpa y, nâ lâ a vaw heih awpa he ei noza ta ei hmia a chhie kaw dia. Hy ei Khazohpa, eima paraonazy cha eima luh hlâta a sâh via ta, eima thaileichâna ta avâ a kaw daih haw.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

HLAZY 51:3

Ei paraonazy pahno thlâh ha na ta, Ei moleina ei hmiakô liata khâ a y.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

ZEREMIAH 3:2

“Awphy tlâh lakizy lâ khi ua la, sai tua rai, Ama châ ziakhei leina su a y ma? Râhchawhpa liata Arabia chyhsa hawhta, Na khopawzy hâpa ta lâkiahzy liata a tyuh tyh chi ta, Na sihryhna moleinazy ta râh na papuapalei haw.

EZEKIA 5:6

Chatanachôta ei ryhpazy a dyuhpa ta, phopi hropazy hlâta thata molei via ta; ei bieraopazy a dyuhpa ta, a chheipâh râhzy hlâta a molei via haw. Ei ryhpazy dytha ei ta, ei bieraopazy a chhih veih ei.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

EZEKIA 7:23

“Bâlia daih teh! Râh he thisaih palona moleina ta bie ta, khihpi chhao atudaina ta a bie ha hih.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HÔSIA 5:5

 palaina ta Izarei cha hmiadaisâ ta padei ta, A thaileichâna liata Izarei nata Epharai ama pao; Zudâh chhao ama hnohta a pao hra.

HÔSIA 7:10

Izarei apalaina ta ano cha hmiadaisâ ta leih ta, Chatanachôta Abeipa ama Khazohpa lâ kua leipa ei ta, Cha zydua vâta ano cha tlua hlei veih ei.

HABAKU 1:4

Chavâta ryhpa ta yzie hnei khao leipa ta, Pachiana dopa y khao hra vei. Moleipazy ta mosiapazy dôh ei ta, Pachiana doleipa a pua tyh.

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.