ISAI 59:11 - Mara Bible RV (BSI)

¹¹ Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ISAI 59:11 ပူးပေါင်းရင်းမြစ်များ

HLAZY 119:150

Ei chô liata hmo pha leipa tao a chhuahpazy ta nâ vaw hnia ei ta, Âmo cha na ryhpa tawhta a hla kawpazy ama châ.

HLAZY 119:155

Na bieraopazy ama tlua leipa vâta, Pachhana cha hmoparaopazy tawhta â hla kaw.

HLAZY 38:8

Thachhâ panaopa ta y na ta, Palôh pasapa ta thata ei hrô.

HLAZY 55:2

Na nathlie la, nâ chhy mah y; Ei palôh a tymâ ta ei pachâ a rôh ngaita,

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ISAI 59:14

Ngâchhihna cha tlyliah liata a hluah ta, Biedopa â ngia thei leipa vâta, Adona cha hnôh lâ pakuasapa châ ta, Siana chhao lâhlapi liata â duah bâ.

ISAI 59:8

Thlalôhna lâthlôh pahno leipa ei ta, Ama lâpizy liata adona y vei. Ama lâpizy â kopa ta tao ei ta, Cha liata a siepa ahy hmahta thlalôhna hmô veih ei.

ISAI 59:9

Chavâta adona cha, Keimo tawhta â hlapi ta y ta; Siana ta miah pha beih vei. Khaihna hâ pi ta, Châhrasala zohna sai a y; Pavâpa hâ pi ta, Châhrasala zoh kaluhpa liata tlao eima charei.

ZEREMIAH 8:15

Thlalôhna mokhâh pi ta, Châhrasala hmo phapa vaw tlô hlei vei; Tlâhna daihti mokhâh pi ta, Châhrasala moh teh u, chichhihna dei a châ hih.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

CHAPHÔHTUNA 3:17

Hro thlalôhna ta nâ hneisai ha ta, Alyna cha kheihta ma a y tahpa ei my haw.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

NÂHU 2:7

Abeinô hmô ei ta, Ama siekhei haw; A seichanôzy chaphôhtu ei ta, Ama chachôhna a chôpa ta, Vachhuh hawhta amâ hrô.

NÂHU 2:8

Ninivâ cha ti ta â râsaipa Tipo hawhta a châ bâ. “A duah teh! A duah teh!” tah ei ta, Châhrasala ahy hmahta hnôh lâ a heih veih ei.