ISAI 58:7 - Mara Bible RV (BSI)

⁷ Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

ISAI 58:7 ပူးပေါင်းရင်းမြစ်များ

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

2 THÂTIHZYRONA 28:15

Chatawhcha ama moh reipa sahlaozy vaw thyu ei ta, seizy cha a chhi ei ta, hraona hmo ama lapa hmâpa ta, ama hry liata thluahruapazy cha chysia pakysa ei ta. Chysiazy pie ei ta, pheikyzy paky ei ta, niedo piepa ta, sathaw zy thu ei ta. Thachhâ panaopazy alâ pakiasa ei ta, ama heinawhzy yna thiahrâ khihpi Zerikô taih kei pathlie ei ta. Âmo cha Samâri lâ amâ vaw lie haw.

NEHEMIAH 5:5

Eima sapa he eima unawhzy sapa hawhta châ ta, eima sawzy chhao âmo sawzy hawhta châ hra ei ta. Cha hawhta a châ nota, eima sawchapawzy nata sawchanôzy cha sei pachâsa awpa duahmo liata a duah pi ta, eima sawchanô thokhazy chhochhi cha sei ta taopa ama châ haw. Chyhsa hropazy ta eima lyu nata kre sadôzy ama hnei khai ha tawhta cha, tao thei awpa hnei khao ma pi,” a tahpazy chhao ama y.

ZAWBÂ 22:7

Thachhâpa hnohta ti do awpa pie leipa chi ta, Nodipa hnohta viahchhâ na pie leipa vâta a châ.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

BIESOZY 11:17

Zawngiah theipa chyhsa cha ano hro châta hmo phapa tao ta, Chyhsa chhiepa deikua cha ano sapa châta pasana a tlôkhei tyh.

BIESOZY 22:9

Chyhsa riaphapa cha sipasapazy niedo â chhaih tyhpa vâ ei ta, Vânoh a to aw.

BIESOZY 24:11

Thi awpa ta a chhipazy cha pachha la, Thie awpazy cha pachha thlyu teh.

BIESOZY 25:21

Na chariahpa a no a di khiahta cha nie awpa pie la, A dâh a phi khiahta cha ti do awpa pie mah y.

BIESOZY 28:27

Dyhchhiepa a pietuhpa cha a phahla leipa aw ta, A mo a pasopa deikua cha chhiesana thata â tyh aw.

ISAI 58:10

Nodipazy châta na hrona hmâh la, Pasataopazy a ngiahpa pie mah y. Cha hawhta na tao khiahta cha, Na khaihna cha zohna liata khaih aw ta, Na zoh kaluhna chhao, Nohchhô hawhta a châ aw.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

EZEKIA 18:16

ahy hmahta tlybai leipa ta, sôhkâ la leipa ta, ahy hmah hrao leipa sala, nodipazy niedo piepa ta, thluahruapa poh pabu sala,

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

LUKA 3:11

Zawhâna ta ama hnohta, “Ahy rai viahkao zo no a hneipa ta, a hnei leipa hnohta pie sala, ahy rai niedo a hneipa ta, cha hawhta tao hra mawh sy,” tah ta.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 16:34

Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

RAWMA 12:13

Mopathaihpa a phahlapazy deichhy u la, khichhai pasô muh vy.

RYHPACHANEINA 22:1

“Nama chiheihpa viahchao tôhpa tlyma, mietaku tlyma a leipa nama hmô khiahta cha, pahno lei namâ pachâ awpa châ vei. Nama chiheihpa lâ namâ chhi awpa a châ.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

PHILEMAW 1:7

Unawh y, nâma zawhzi ta mopathaihpazy palôh pathiehpa ta y ta, na kyhpachâna ta alyna nata thlalôhna thata eina pie.

RYUREITUHPAZY 9:2

“Sekhe khih nôpaw zydua nah theina liata reih u la, ‘Nama châta kheihawhpa ma a pha via aw, Zerubâlâ sawchapaw sysaripa zydua ta nama chô liata ryu ama reih awpa ma, mopakha ta nama chô liata ryu a reih awpa maw?’ tah tua muh vy. Kei he nama rupa nata nama sapa ei châpa chhao a thei muh vy,” tah ta.