ISAI 58:6 - Mara Bible RV (BSI)

⁶ Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ISAI 58:6 ပူးပေါင်းရင်းမြစ်များ

2 THÂTIHZYRONA 10:11

Ei paw khata raopaky a hri ngaitapa cha pakysa ei ta, kei ta nama raopaky ei baichha aw. Ei paw ta sôsi ta cha chhorei ei ta, kei ta râh cha-ia ta ei cha chhorei aw ei,’ tahpa ta nâ chhy aw,” tah ei ta.

2 THÂTIHZYRONA 28:11

Chavâta ei bie he nathlie u la, sei ta nama patupa nama chiheihzy kha pakuasa ha teh u. Chataleipatala Abeipa pathiiana ru ngaitapa nama chô liata a vaw tlô pathlei aw,” tah ta.

BIESOZY 24:11

Thi awpa ta a chhipazy cha pachha la, Thie awpazy cha pachha thlyu teh.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 58:9

Cha tina cha Abeipa pado aw chi ta, A cha chyh-ei aw; Abeipa lâ awh aw chi ta, ‘He liata ei y,’ a cha tah aw. Nama hry tawhta raopaky la la, Kudy ta dypâpa hmâh khao leipa la, Bie chhiepa reih khao khah y.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 50:33

“Pheisaihzy Abeipa ta hetana heta a tah: Izarei sawzy tlybaipa ta y ei ta, Zudâh sawzy chhao âmo hnohta tlybaipa ama châ. Sei ta âmo a chhituhpa zydua ta Khâchâ patu ha ei ta, Pathlie khoh veih ei.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

THEIHTHAINA 6:5

Haipa ta bie â taihpa hmo zydua â kipa ta thô khai aw ta, thailei a châna noh liata, hneituhpa hnohta su pangawh su kha a baichha aw.

ZAWNA 3:8

Chyhsa chhao, sahroh chhao, latho poh a bu khai ei sala, Khazohpa cha thata pado mawh ei sy. Chyhsa to ama moleina lâpi tawhta kua ei sala, ama ku liata thachahra hmâna a ypa tawhta kua mawh ei sy.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

HMOTAOPAZY 8:23

Ahaona châmaih ta bie chi ta, molei ta a cha chahry tahpa ei pahno,” tah ta.

1 TIMAWTHY 6:1

Khazohpa moh nata a pachunazy reipachhiepa ta a y lei nawpa ta, sei raopaky a kypazy ta ama zibeipazy cha za tlâhpa ta ama pachâ awpa a châ.