ISAI 58:4 - Mara Bible RV (BSI)

⁴ A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

ISAI 58:4 ပူးပေါင်းရင်းမြစ်များ

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

ISAI 59:6

Zytôpuhpa bu ama râpazy cha, A bu tlâh châ leipa aw ta; Ama thaisapazy chhao, Chysia ta a tobi tlâh châ aw vei. Ama raihriazy cha, Moleina raihriazy châ ei ta; Thachahra hmâpa ta hmotaopazy Ama ku liata a y.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZAWNA 3:7

Bie papua ta, cha cha Ninivâ khihpi zydua liata paphuahsa ta, “He he bei nata a beimachâzy biepiepa a cha: Chyhsa nata sahroh, viahchao hri nata mietaku zaw zy ta khâpa hmâh ama padi awpa châ vei. Ama nie awpa châ leipa ta, ti chhao ama do awpa châ vei.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

LUKA 20:47

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.