ISAI 58:3 - Mara Bible RV (BSI)

³ ‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ISAI 58:3 ပူးပေါင်းရင်းမြစ်များ

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

NEHEMIAH 5:7

Kei nata kei ta a chhohia na ta, nôpawpazy nata ryureituhpazy maochhie ei na ta, ama hnohta, “Nama unawhzy tawhta apôhna la ei chi ta,” tah na ta, ama thâtih pachâ awpa ta zawpi awpakhy na ta,

ZAWBÂ 34:9

‘Khazohpa liata a lypa he, Chyhsapa châta khâpa hmah phahnai bao vei,’ A vaw tahpa châ tlôh ta.

HLAZY 69:10

Chana nata kâhvileipa ta ei hro ei panawh châh ta, Reipachhiena tlao ei hlao.

BIESOZY 28:9

Ryhpa nathlie khoh leipa ta a nah su hro lâ a paheipa cha, A thlahchhâna chhao pasichhihpa a châ.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

THEIHTHAINA 16:29

“He he nama châta chhâzaw bieraopa a châ aw: Thla sarina noh hrawhna noh liata a paky aw ei chi ta, a râh chyhsa chhao, chihropa nama hry ta a pahrâpa chhao, khâpa rai hmahta nama hria awpa châ vei.

THEIHTHAINA 16:31

Cha cha nama châta Pahânoh zachhihpa châ ta, namâ paky awpa noh a châ. Cha cha chhâzaw châta bieraopa a châ.

THEIHTHAINA 23:27

“Thla sarina noh hrawhna noh cha Chatlaina Noh châ ta, nama châta pakhypi pathaihpa châ aw ta, a paky aw ei chi ta, Abeipa lâta mei ta hmohlâpa nama hlâ awpa a châ.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?

MALUHREINA 23:4

Khazohpa ta Bâlâma cha a vaw tyh ta. Bâlâma ta a hnohta, “Maisâh miasari tao na ta, maisâh to liata viahchao tôhpa pô kha nata mietaku tôhpa pô kha lymâ ei hlâ haw,” tah ta.

LUKA 15:29

châhrasala a paw cha a chhy ta, ‘Pachâ tua, chatikôsy cha chakao na ta, na rei a ngiah leipa ta y beih va na. Chatanachôta ei viasazy nata alyna ei tao nawpa ta mietaw pô kha dâhdei chhao na pie beih va chi.