ISAI 58:2 - Mara Bible RV (BSI)

² Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ISAI 58:2 ပူးပေါင်းရင်းမြစ်များ

HLAZY 119:15

Na pachuna biezy pachâ tyh aw na ta, Na lâpizy ei chhih lymâ aw.

HLAZY 119:151

Nâ deikua cha Hy Abeipa, Lâhnia liata y chi ta, Na biepiepa zydua chhao adopa a châ.

HLAZY 119:87

Alei tawhna heta na pahleipadia daihmâ ei ta, Châhrasala na pachuna biezy a heihsai beih va na.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 42:20

Hmo hluhpi hmô ta, Châhrasala a phapa ta ngia vei; A nah pha thlâh ha ta, Châhrasala thei vei.

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ISAI 57:3

Nâmo, dyuthainô sawchapawzy deikua cha, A vaw hnia u la; Nâmo, apheinô nata sihryhnô chipathlazy A vaw hnia teh u.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

ZEREMIAH 42:20

Nâmo tlai ta, ‘Abeipa eima Khazohpa lâ thlah miah chhâpa la, Abeipa eima Khazohpa ta a reipa maih miah chho la, eima tao aw,’ tahpa ta Abeipa nama Khazohpa lâ na tuah ei chi ta, châhrasala dôveina nama palôh liata a ypa tlao a vaw châ.

ZEREMIAH 7:10

Cha khai tawhta keima moh tlai bipa, he o lâ he a vy ei chi ta, ei hmiakô liata namâ vaw duah heih tyh. Cha hawhpa hmo pasichhihpazy cha tao lymâ awpa ta ma, ‘Eimâ boh haw!’ nama tah tyh aw?

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

EZEKIA 20:3

“Chyhsa sawchapawpa y, Izarei machâzy chho la, ama hnohta, Abeipa Zehôvâh ta hetana heta a tah: Keima nâ saohiah awpa ta a vypa ma nama châ? Ei hrona reipa ta ei reih. Nâmo a saohiah awpa ta y aw va na, Abeipa Zehôvâh ta a tah, tah mah y.

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

ZAWHÂNA 5:35

Zawhâna kha meiôh khaihpa nata khaih ngaitapa châ ta, a khaihna ry liata thaphapa ta y chy awpa nama khoh kaw.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.