ISAI 58:12 - Mara Bible RV (BSI)

¹² Bohpi a ry hapa na khihpizy cha, Paduapathipa châ aw ta; Chhâ hluhpi ta ama bôpa lôbô a cho hapazy chhao, Na padua heih aw. Araopa a taopathituhpa cha tah aw ei ta, Pahrâna lâlaizy a paduapathituhpa ama cha tah aw.”

ISAI 58:12 ပူးပေါင်းရင်းမြစ်များ

NEHEMIAH 2:17

Ama hnohta, “Eima duahmo chhiezie he hmô ei chi ta, Zerusale cha roryhrapa ta y ta, a chhikaozy mei ta a kâ khai ha hih. A vy teh u, mohnaopa ta eima y khao lei nawpa ta, Zerusale thokhy he paduapathi suh u,” tah na ta.

NEHEMIAH 2:5

Abei hnohta, “Abei ta paryhsa sala, châ chakaotuhpa he na modypa ei châ khiahta cha, Zudâh râh liata nâ pathlatuhpazy thlâ yna khihpi lâ na pasiesa la, cha khihpi cha paduapathi awpa ta na pasaih mah y,” tah na ta.

NEHEMIAH 6:1

Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.

ZAWBÂ 3:14

Lei beizy nata ryhraotuhpazy, A rao thlâh ha awpa su âmo châta a paduatuhpazy,

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ISAI 61:4

Bohpi a ry hapa suzy paduapathi aw ei ta, Roryhrapa ta khâ a y tyhpa suzy ama paduapathi aw. Khihpi rypazy paduapathi aw ei ta, Chhâ hluhpi roryhrapa ta a ypazy ama paduapathi aw.

ZEREMIAH 31:38

“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.

EZEKIA 13:5

Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

EZEKIA 36:33

“Abeipa Zehôvâh ta hetana heta a tah: Nama paraona zydua tawhta ei cha pathaisana noh liata, khihpizy cha chyhsa pahrâna ta tao aw na ta, su rypazy paduapathipa a châ aw.

EZEKIA 36:4

Hy Izarei tlâhpizy saih u, Abeipa Zehôvâh bie he thei teh u: Abeipa Zehôvâh ta tlâhpizy nata tlâhthlôhzy, chavahzy nata saikaozy, su rypazy nata khihpi roryhrapazy hnohta hetana heta a tah: Ama chheipâh phopizy ta ama hrao awpa nata pahneisao awpa ama vaw châ haw.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

MIKÂ 7:11

Na thokhyzy chhôh nawpa noh a vaw tlô hai! Cha noh liata na râhri pakawhpa a châ aw.