Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAI 58:11 - Mara Bible RV (BSI)

11 Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

အခန်းကိုကြည့်ပါ။ ကော်ပီ




ISAI 58:11
35 ပူးပေါင်းရင်းမြစ်များ  

Chakâh nota thina tawhta cha pachha aw ta, Adyuhna liata zaozi hmotaotheina tawhta a cha pachha aw.


Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.


Ano cha hro dâhphina papaituhpa châ ta, Hmo phapazy ta hro nodipa rih a pabie tyh.


Areisipa cha adona liata chhihtha ta, Abeipa lâpi a pachu tyh.


“Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.


Chatanachata ama hrona cha thina tawhta pachha aw ta, Chakâh daihti liata a pahro aw ei.


Daihti pha leipa liata maophyuh leipa aw ei ta, Chakâh nohzy liata rihbiepa ta ama nie aw.


Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.


Na ryhraona ta na chhihtha chi ta, Cha khai tawhta rônahna liata einâ ly aw chi.


Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.


Ama machâ tawh chhao ta khâ pathei ei ta, Ti ta bie ei ta khâ ama hroh sili.


Chyhsa riaphapa cha a dyh pha aw ta, Ti a baotuhpa cha anosasyh â baopa a châ.


Thathipa hro cha hmo khoh kaw ta, Châhrasala a hnei theipa y leipa ta; Tiamapa hro deikua cha, Lôhrâtlôna taihta a hnei.


Karâypa chyhsa cha ahryuna pathyu ta, Abeipa a ngâtuhpa deikua cha pathawhsapa a châ aw.


Cha cha na sapa châta tlâhna châ aw ta, Na rupazy châta thohna a châ aw.


Tihnawh palina sadô châ ta, Hrona tikhaoh chhao y ta, Lebanaw tawhta vahtiezy lona sadô a châ.


Kei, Abeipa he, kre sadô vaituhpa cha châ na ta, Buakha hâh lei ta ti bao na ta, Ahy hmahta ama parao lei nawpa ta, Chhô nah zâ ta ei vaih tyh.


Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.


Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.


Sibiepa hawhta ama chhyh paka aw ei ta, Vahtie tizy kiah liata thozy hawhta ama buh a rôh aw.


Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.


A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.


Alei ta chizy papyusa ta, Sadô ta a chhôh liata chi tupazy a papyusapa hawhta, Abeipa Zehôvâh ta phopizy hmiakô liata Siana nata reithaina zy a papyusa aw.


Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.


Ano cha ti kiah liata tho lopa hawhta châ ta, Chavah kiah liata thari a pazawhpa hawhta a châ; A hnazy khâ hroh ta, Noh lopa a vaw tlôpa chi vei; A thei patheipa a chalih leipa ta, Noh kâhna kô liata a pachâ rôh vei.”


A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.


Chatanachata, ‘He râh, roryhrapa ta a y hapa râh he, Idâh sadô hawhta vaw châ ha ta, khihpi rypa nata roryhrapa nata a rao hapazy cha chyhsa pahrâna thokhy khihpizy ama vaw châ ha heih,’ ama tah awh.


Râh chawhpa liata cha mohôh ei na ta, Râh raohpa liata ei cha deichhy ei.


Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.


kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.


Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.


Abeipa nama Khazohpa ta ryuto châta hnei awpa ta râh a cha piepa ei liata byhnâ cha pie aw ei ta, dyhchhiepa nama hry liata y aw veih ei.


Eima Paw Khazohpa nata eima Beipa Zisu ta nâmo lâ eimâ vy thei nawpa lâpi miah taopa mawh sy.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ