ISAI 57:7 - Mara Bible RV (BSI)

⁷ Tlâh sâhpa nata tlâh laki liata na rakhô soh chi ta, Cha liata atheihna hlâ awpa ta na khy tyh.

ISAI 57:7 ပူးပေါင်းရင်းမြစ်များ

ISAI 57:3

Nâmo, dyuthainô sawchapawzy deikua cha, A vaw hnia u la; Nâmo, apheinô nata sihryhnô chipathlazy A vaw hnia teh u.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 3:2

“Awphy tlâh lakizy lâ khi ua la, sai tua rai, Ama châ ziakhei leina su a y ma? Râhchawhpa liata Arabia chyhsa hawhta, Na khopawzy hâpa ta lâkiahzy liata a tyuh tyh chi ta, Na sihryhna moleinazy ta râh na papuapalei haw.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

EZEKIA 16:16

Na chysia thokha hmâpa ta, su sâhpa chapaicharupazy tao chi ta, cha liata nâ zuah tyh. He hawhpa he y beih leipa ta, y beih khao aw vei.

EZEKIA 16:24

su a lâluahpazy a tao chi ta, tlyliah to liata su sâhpa nâ tao pyly thlâh ha chy.

EZEKIA 16:25

Lâtlei to liata su sâhpa a sa chi ta, na chhithaina cha pasichhihna ta taopa ta, châ chapiapa maih châta na keih pakai chi ta, na sihryhna na papôh via rili.

EZEKIA 23:17

Chatanachata Babylaw mo cha kyhpachâna rakhô liata ano lâ a vy ei ta, ama aohraohna ta ano cha sihryhkhei ei ta, ama papuapalei haw. Babylaw mo ta ama papuapalei khai tawhta, âmo cha thata a hao ta, â heihsai ha ei.

EZEKIA 23:41

Dyuchhai rônah ngaitapa liata a tyuh chi ta, a hmiakô liata tlâhkhai patyuh chi ta, cha liata ei ropahâhpa nata ei sathaw zy na so tyh.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.