ISAI 57:5 - Mara Bible RV (BSI)

⁵ Ôkâ thozy hry liata a patla ei chi ta, Tho hrohpa to ry liata Aohraohna ta a kâ tyhpazy châ veih ei chi ma? Saikaozy nata lôpanô keipazy chhôh liata nama sawzy thie ei chi ta, Atheihna ta a hlâ tyhpazy kha châ veih ei chi ma?

ISAI 57:5 ပူးပေါင်းရင်းမြစ်များ

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

2 ABEIZY 17:10

Tlâh sâhpa to liata nata tho hrohpa to ry liata lôbôzy bôpa ta Aseri tôhzy padua ei ta.

2 ABEIZY 17:7

Cha hawhta ama yna chhâpa cha, Izarei sawzy ta Izi bei Phiraoh ku ry liata ama yna Izi râh tawhta a kaw chhi papuatuhpa Abeipa ama Khazohpa chô liata hmo parao ei ta, khazoh hropazy tlao chi ei ta,

2 ABEIZY 23:10

Chatawhcha ahy hmahta ama sawchapaw tlyma, ama sawchanô tlyma, Môleka atheihna châta ama hlâ khao lei nawpa ta, Hinô Sawchapawpa Saikao ama tahpa liata Tôphe chhao a parao haw.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

PUASAINA 32:6

A mylâ mydi kari ta thyu ei ta, raopa hlânazy hlâpa ta, aryhna hlânazy vaw cheih ei ta. Niedo awpa ta zawpi a tyuh ei ta, cha khai tawhta a palypauasa awpa ta thyu ei ta.

ISAI 1:29

Nama mopakiapa ôkâ thozy zakhei aw ei chi ta, Sadô namâ tlyhpazy vâta nohzaopa ta nama y aw.

ZEREMIAH 17:2

Tlâhthlôh tho laipa ry to liata ama maisâhzy nata Aseri tôhzy cha, ama sawzy chhao ta ama khazoh achhyna a châzie ama pahno.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

ZEREMIAH 32:35

Hinô Sawchapawpa Saikao liatapa Bâlâ achhyna su sâhpazy padua ei ta, ama sawchapawzy nata ama sawchanôzy Môleka lâ ama hlâ tyh. Zudâh pamoleisa nawpa ta, he hmo pasichhihpa tao awpa heta, biepie leipa ei na ta, ei palôh liata chhao a lâ beih vei.

ZEREMIAH 50:38

Nohkâhna ta a tizy a dyuh aw ta, Ama kua khai aw. Khazoh nothlahpazy yna râh châ ta, Khazoh nothlahpazy vâta Ama hru khai hana râh a châ.

ZEREMIAH 51:7

Babylaw cha Abeipa ku liata ngôh nyu châ ta, Khizaw zydua a parisa tyhpa a châ; Phopizy ta a kresawhti cha doh ei ta, Chavâta phopizy cha ama hru khai haw.

ZEREMIAH 7:31

Ama sawchapawzy nata ama sawchanôzy mei liata rao nawpa ta, Hinô Sawchapawpa Saikao liata Tôphe su sâhpazy ama padua. Chazy cha keima biepiepa châ leipa ta, ei palôh liata chhao a ngia beih vei,” Abeipa ta a tah.

EZEKIA 16:20

“Nâma nâ zuapa bao hmahta â daih tah leipa chi ta, keima liata na sapa na sawchapawzy nata na sawchanôzy a chhi chi ta, atheihna ta hlâ awpa nata ama nie awpa ta, khazoh nothlahpazy lâ na hlâ ei.

EZEKIA 20:26

ama sawchapaw uhtheipazy atheihna ta pahlâsapa ta papuapalei ei na ta, roryhrapa ta ei paysa ei. Abeipa ei châ tahpa ama pahno thei nawpa ta, cha hmozy cha ei tao.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 20:31

Nama hmohlâpazy hlâ ei chi ta, nama sawzy mei liata raopa ta atheihna ta nama hlâpa liata, tanoh taihta nama khazoh nothlahpa zydua liata namâ papuapaleipa a châ. Hy Izarei pathlazy saih u, nâmo a saohiah awpa chi ei châ ma? Ei hrona reipa ta ei reih, nâmo a saohiah awpa chi châ va na,” Abeipa Zehôvâh ta a tah.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

THEIHTHAINA 18:21

“Na saw ahy hmahta atheihna ta Môleka lâ na hlâ awpa châ vei. Cha hawhta hmo taopa ta na Khazohpa moh na papuapalei awpa châ vei. Kei he Abeipa ei châ.

MALUHREINA 25:6

Ahmaohna poh o chhikao liata ama cha hai nota, Izarei chyhsa pakha ta Midia chanô pakha Mawsi mohmô nata Izarei zawpi mohmô liata a o lâ a vaw chhi ta.

RYHPACHANEINA 12:2

Nama pho awpa phopizy ta tlâh sâhpazy nata tlâh byuhpazy liata nata tho hrohpa to ry liata ama khazohzy ama chakaona su zydua nama parao khai awpa a châ.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.